1. Nunaqarfimmi aqutsisut
Partiit saqqummiussaasa pingaarnersiornerat:
Siumut:
Nunaqarfimmi aqutsisut atorunnaarsinneqarnissaannut tunngasoq isumaliutigeqqinneqartariaqarpoq. Aasamut nunaqarfimmi aqutsisut isumasioqatigiissinneqassapput
Atassut:
Naalakkersuisut nunaqarfimmi aqutsisut atorunnaarsinneqarnissaannik siunnersuut atuutsittariaqanngilaat periarfissamillu allamik siunnersuusiorlutik
Inuit Ataqatigiit:
Nammineq kajumissuseq tunngavigalugu aqutseriaatsit tapersersorsinnaanngilaat.
Demokraatit:
Kissaatigaat nunaqarfimmi aqutsisut atorunnaarsinneqarnissaat, kisiannili allanik taarserneqassanngitsut.
Kattusseqatigiit Partiiat:
Nunaqarfimmi aqutsisut atorunnaarsinneqarnissaannut tunngasoq nunaqarfimmi aqutsisunut tusarniaassutigineqassaaq, kisianni KP-p ataannarnissaannik illersuilluni siuttuuvoq.
2. Ikaarsaariarnermi ataatsimiititaliat
Partiit saqqummiussaasa pingaarnersiornerat:
Siumut:
Suliassaqarfiup ataatsip iluani inuit qinigaat marluk paatsuuinerpassuarnik saqitsaannernillu pilersitsissasoq.
Atassut:
Ikaarsaariarnermi ataatsimiititalianut tunngasoq isummerfiginngilaat.
Inuit Ataqatigiit:
Ikaarsaariarnermi ataatsimiititalianut tunngasoq isummerfiginngilaat.
Demokraatit:
Ikaarsaariarnermi ataatsimiititaliaqarnissaa kissaatiginngilaat, taamatut ilusiliineq isumaqataaffiginnginnamikku pisariaqarsorinagulu.
Kattusseqatigiit Partiiat:*
Ikaarsaariarnermi ataatsimiititaliat piffissaq suliffigisassaat sivikinnerusariaqarpoq, kommuninut aningaasartuutit sapinngisamik ikittuunissat qulakkeerniarlugu.
3. Kommunit amerlassusissaat, kommunalbestyrelsit amerlassusissaat, nammineq kajumissuseqarneq aammalu suleqatigiinnerit
Partiit saqqummiussaasa pingaarnersiornerat:
Siumut:
Kommunini innuttaasut ikinnerpaaffissaasa nalilersoqqinnissaat kissaatigaa, taamaaliluni Tunumut tunngatillugu allatut aaqiissuteqartoqarniassammat. Kommunit amerlassusissaat suli aalajangiiffigineqanngilaq. Nammineq kajumissutsimut tunngasumut apeqqut erseqqissumik tigussaasumik ilanngutinngilaa. Kommunalbestyrelsimi ilaasortat amerlassusissaat kommunit angisussaannut naapertuutissaaq.
Atassut:
Kissaatiginngillat kommunit sisamaanissaannik inassuteqaat pituttorfiussanngitsoq, kisiannili kommunit qanimut oqaloqatigisarnerisigut isumaqatigiissutigineqartassasoq, aaqqissuusseqqinneq nutaaq kajumissuseq aallaavigalugu qanoq isumaqatigiissuteqarfigineqarsinnaanersoq.
Suleqatigiinnerit kattussuunnernut allatut periarfissaasinnaapput.
Inuit Ataqatigiit:
Kommunit arlaannaalluunniit aaqqissuusseqqinnerup avataaniitinneqassanngillat. Kommunit sisamaannaatinneqartariaqarput allamik naamik.
Demokraatit:
Kattussuunnissamut tunngasoq isumaqatigaat, kisiannili Aaqqissuusseqqinnissamut Isumalioqatigiissitat tikkuagaatut taamak amerlatigisunik sipaaruteqartoqarnissaa ilimaginngilaat. Sillerpaamik kajumissuseq tunngavigalugu siunnersuuteqartoqartariaqarpoq, kisianni naggataatigut Inatsisartut qulakkiissavaat sisamanik kommunersuaqalernissaa.
Kattusseqatigiit Partiiat:
Kikkulluunniit suleqatigiinnissamik pilersitsinissaminnut pinngitsaalineqassanngillat.
4. Suliassat nuussorneqartussat
Partiit saqqummiussaasa pingaarnersiornerat:
Siumut:
Aalajangersimasumik taasaqanngillat.
Atassut:
Tigussaasunik taasaqanngillat
Inuit Ataqatigiit:
Isumalioqatigiissitat inassuteqaataat malippaat, kisiannili inuussutissarsiornermut tunngasuni akisussaaffinnik amerlanerusunik nuussinissamut tunngasut misissoqqikkumavaat. Pisussutit uumassusillit pillugit nakkutilliineq kommuninut tunniunneqartariaqarpoq.
Demokraatit:
Kattussuunnernut nangissutitut imaasiallaannarlugu suliassanik nuussuisoqarnissaa kissaatiginngilaat, kisiannili tamakku tamarmik pisinnaapput aaqqiivigineqareerpata. Isumaginninnerup, avatangiisinut tunngasut angallannermullu tunngasut kommuninut nuutinneqarnissaannut pitsaaqutissat takusinnaanngilaat. Aammattaaq ulloq unnuarlu paaqqinniffiit innarluutilinnullu tunngasut nuutinneqarnissaat eqqarsarnartoqartippaat, aammalu umiarsuakkut silaannakkullu angallannermi kiffartuussinermut isumaqatigiissutinik isumaqatiginninniartarnerit nuutinneqarnissaat paasisinnaanngilluinnarlugu. Ado Lyngep Atuarfia nuutinneqassanngilaq aammalu qulakkeerneqartariaqarpoq PPR-mut tunngasut qitiusumik saaffiginnittarfeqarnissaat. Siunnersuutigaattaaq meeqqat atuarfianni ungasissumiit atuartitsisarneq.
Kattusseqatigiit Partiiat:
Nunaqarfinnut pilersuisussaatitaaneq ajornerulersinneqassanngilaq.
5. Akileraartarnermut tunngasut qitiusumut nuutinneqarnissaat
Partiit saqqummiussaasa pingaarnersiornerat:
Siumut:
Nunap immikkoortuini aqutsisoqarfeqarnissaq akisuallaarpoq – immaqa Savalimmiormiutut aaqqissuussinertut. Nassuerutigaalli aalajangernerup allanngortikkuminaatsuunera.
Atassut: Sinerissami aqutsisoqarfeqalernissaa tapersersunngilaat.
Inuit Ataqatigiit:
Akileraarutinut akiliisitsiniartarnermullu tunngasut qitiusumut nuutinneqarnissaat tapersersorpaat. Taamaattorli sumiiffinni namminermi siunnersorneqarnissamut ilitsersorneqarnissamullu periarfissaqassaaq.
Demokraatit:
Akileraartarnermut Akiliisitsiniartarnermullu tunngasut qitiusumut inissinneqarnissaat tapersersorpaat.
Kattusseqatigiit Partiiat:
Akileraartarnermut tunngasut ilanngutinngilai.
6. Akileraarutit procentiat
Partiit saqqummiussaasa pingaarnersiornerat:
Siumut:
Nuna tamakkerlugu akileraarutit procentii assigiinngitsut, taamaallaalli kommunini nutaani.
Atassut:
Apeqqut isummerfiginngilaat.
Inuit Ataqatigiit:
Nuna tamakkerlugu assigiimmik akileraaruteqartitsisoqartalersinnaanersoq pillugu nalilersuisoqarnissaa kissaatigaat.
Demokraatit:
Apeqqut isummerfiginngilaat.
Kattusseqatigiit Partiiat:
Apeqqut isummerfiginngilaat.
7. IT
Partiit saqqummiussaasa pingaarnersiornerat:
Siumut:
Inassuteqatit isumatigaat kissaatigalugulu innuttaasut qarasaasianik atuillaqqissunngortinneqarnissaat.
Atassut:
Namminersornerullutik Oqartussat KANUKOKA-llu pisortat qarasaasianik aqutsinerisa ataatsimoortunngortinneqarnissaannik suliaq sapinngisamik piaartumik aallartittariaqarpaat.
Inuit Ataqatigiit:
IT-mut tunngasut isummerfiginngilaat.
Demokraatit:
IT-qarnermut aningaasartuutit ernummatigaat kissaatigalugulu innuttaasut qarasaasianik atuinerat misissoqqissaarneqassasoq.
Kattusseqatigiit Partiiat:
IT-mut tunngasut isummerfiginngilaat.
8. Piffissalersuut
Partiit saqqummiussaasa pingaarnersiornerat:
Siumut:
Piffissalersuutigineqartoq malinneqassaaq.
Atassut:
Piffissalersuutigineqartoq allanngortinneqassappat ammapput.
Inuit Ataqatigiit:
Piffissalersuutigineqartoq taperserpaat.
Demokraatit:
Piffissalersuutigineqartoq taperserpaat, piumasaraluguli misissueqqissaarinerit naatsorsuinerillu suliarineqassasut.
Kattusseqatigiit Partiiat:
Piffissalersuutigineqartoq taperserpaat.
9. Ataqatigiissaarinermut ataatsimiititaliaq
Partiit saqqummiussaasa pingaarnersiornerat:
Siumut:
Aaqqissuusseqqinnissap atuutilersinneqarnissaanut akisussaasumik ataatsimiititaliortoqassasoq.
Atassut:
Apeqqut isummerfiginngilaat.
IA:
Ataqatigiissaarinermut ataatsimiititaliortoqartariaqarpoq, qinersinissat atuutilersinneqarnissaannik isumaginnittussamik.
Demokraatit:
Siunnersuisarfimmik ataqatigiissaarisarfimmillu pilersitsisoqartariaqarpoq, Namminersornerullutik Oqartussat KANUKOKA-llu kattullutik ataanni inissisimasussamik.
KP:
Apeqqut isummerfiginngilaat.
10. Kingunerisassat naatsorsuusiornerat misissueqqissaarinerillu
Partiit saqqummiussaasa pingaarnersiornerat:
Siumut:
Kiffartuussineq assigiinngiaarpallaarpoq allaffissornerlu akisuallaarluni. Aallaqqaataaniit aningaasanik ileqqaartoqanngilaq, ungasinnerusorli eqqarsaatigalugu sipaaruteqartoqartariaqarpoq. Aaqqissuusseqqinerup kingunerisassai Inatsisartut ataatsimeereernerisa kinguninnguagut misissoqqissaaqqinneqassapput.
Atassut:
Aningaasatigut kingunerisassat tamarluinnarmik naatsorsuiffigineqassapput.
IA:
Allaffissornikkut aningaasartuutit ikilisarujussuarneqarnissaannut suliniutit inatsisitigut malittarisassaqartinneqartariaqarput, taamaattumik kissaatigaat tamanna pillugu Naalakkersuisut sunik pilersaaruteqarnersut.
Demokraatit:
Misissueqqissaarinerit aningaasatigullu kingunerisassat naatsorsuusiorfiginerat aalajangiisoqannginnerani pisariaqarpoq. Ilaatigut kissaatigaat maannakkorpiaq kommunini atorfillit qassit tjenestemanditut atorfeqartinneqarnersut. Aammattaaq sulisut immikkut ilisimasallit pissarsiariniarneqartarnerat pillugu ajornartorsiutip misissuiffigeqqissaarneqarnissaa kissaatigaat.
KP:
KANUKOKA suleqatigalugu misissueqqissaarisoqarnissaa kissaatigaat.
11. Suliffeqaannarnissamik qulakkeerinninneq
Partiit saqqummiussaasa pingaarnersiornerat:
Siumut:
Suliffeqaannarnissamik qulakkeerinnittoqarnissaa kissaatigaat. Soraarsitsinerit pisassapput sulisut namminneq soraartarnerat ilutigalugu.
Atassut:
Suliffeqaannarnissamik qulakkeerisoqarnissaa kissaatiginngilaat, sipaaruteqarnissamik pilersaarutinut tamanna naapertuutinngimmat.
IA:
Sulisoqarnermut tunngasuni sulisut ataasiakkaat isumaqatigiissuteqarfigineqassapput, akileraartarnermut tunngasuni pisoqarneratut.
Demokraatit:
Suliffeqaannarnissamik qulakkeerinninerup qanoq akeqarnissaata aningaasatigut nalilersuiffigineqarnissaa kissaatigaat.
Kattusseqatigiit Partiiat:
Kissaatigaat Naalakkersuisut allaaserissagaat suliffeqaannarnissamik qulakkeerninninnissaq qanoq ilillugu piviusunngortinneqarsinnaanersoq, akileraartarnermut tunngasuni sulisut akornanni nalornisoqarnera pissutigalugu.
12. Ombudsmandeqarfik
Partiit saqqummiussaasa pingaarnersiornerat:
Siumut:
Ombudsmandeqarfik kalluarneqassanngilaq.
Atassut:
Ombudsmandeqarfik kalluarneqassanngilaq.
IA:
Ombudsmandeqarfik kalluarneqassanngilaq.
Demokraatit:
Aaqqissuusseqqinnissamut tunngatillugu Ombudsmandeqarfik akulerunneqassanngilaq aammalu Isumaginninnermi Maalaaruteqarfik kalluarneqassanngilaq.
Kattusseqatigiit Partiiat:
Ombudsmandeqarfik kalluarneqassanngilaq.
13. Allaffissornermi oqaatsit atorneqartut
Partiit saqqummiussaasa pingaarnersiornerat:
Siumut:
Aaqqissuusseqqinnermut atatillugu allaffissornermi kalaallit oqaasii atorneqassapput. Sulisut kalaalisut pikkorissarnissaannik neqeroorfigineqassapput.
Atassut:
Apeqqut isummerfiginngilaat.
IA:
Apeqqut isummerfiginngilaat.
Demokraatit:
Isumaqanngillat allaffissornermi kalaallit oqaasiisa piumasaqaataanissaat nunat avannarliit isumaqatigiissutigeqqammigaannut naapertuutinngitsoq.
Kattusseqatigiit Partiiat:
Apeqqut isummerfiginngilaat.
Imaqarniliortoq: Claus Stensgaard Jensen
