8. novembari 2006
Kommunalbestyrelsit taakku marluullutik isumaqatigiissutigivaat Maniitsup Sisimiullu kommu-niisa maajip 1-ani 2009-mi kattunnissaat, tamatumalu tungaanut suleqatigiinnissamik isumaqatigiissutit nukittorsarniarlugit mgerlateqqinniarlugillu aamma isumaqatigiissutigalugit.
Taama aalajangernikkut kommunerujussuup pilersussap taassuma Aaqqissuussaanermut Isumalioqatigiissitap kommunit ikinnerpaamik 8.000-inik innuttaqarnissaannik pisortallu suliassaataasa pitsaasumik isumagineqarnissaannik aningaasatigullu atasinnaassutsimik piumasarisai naammassissavai.
Maniitsup Sisimiullu kommunalbestyrelsii kommunit taakku marluk kisimiillutik kattunniarlutik aalajangerput. Kommunalbestyrelsit taakku marluullutik isumaqarput Kangaatsiap Kommunia Avannaani kommuninik suleqateqassaguni/kattusseqateqassaguni pitsaanerpaajussasoq, tassa Kangaatsiaq ullumikkut allatigut Avannaaniit kiffartuunneqareermat, taamatullu ingerlaavartumik suleqateqareerluni.
Maniitsup Sisimiullu kommunalbestyrelsiisa peqatigitillugu kommunit taakku marluusut akissarsialeriffiisa kattunnissaat aalajangerpaat, tamatumanilu 2007-ip ingerlanerani kattunnissap qulakkeerneqarnissaa siunertaralugu pilersaarusiortussanik pilersitsiniarlutik.
Maniitsup Sisimiullu kommunalbestyrelsiisa ataatsimoorlutik inuutissarsiutinut tunngasutigut 2007-ip upernaavani isumasioqatigiinnissartik aalajangiuppaat, tamatumani kommunit taakku marluusut inuutissarsiutitigut ineriartortitsinissaasa ataqatigiissaarnissaat siunertaralugu. Ilanngullugulu takornariaqarnermut tunngatillugu ataatsimoortumik takornariarneqarsinnaasut tungaasigut suleqatigiinnissartik aalajangiulluguttaaq.
Søren Lyberth, borgmesteri, Maniitsup Kommunia
Hermann Berthelsen, borgmesteri, Sisimiut Kommuniat
