Nuuk Paamiut Ivittuullu aningaasaqarnermut ataatsimiititaliaat Paamiuni majip 24-ni ataatsimeeqatigiipput. Kommunit kattussuullutik suleqatigiilernissaat angorusunneqarmat Nuuk Paamiut Ivittuullu kommunii ullumi suleqatigiilerlutik isumaqatigiissutigaat. Kommunit suleqatigiilersut kommunini atorfilittat kattunnissamik tunngavissat misissorlugit aallarnertariaqaraat isumaqatigiissutigaat. Nuuk Paamiut Ivittuullu aningaasaqarnermut ataatsimiititaliaanni ilaasortat isumaqatigiissutertik kommunit pineqartut kommunalbestyrelsiinut pisinnaatitaaffitik tunngavigalugu akuerisassanngorlugu apuutissavaat.
Isumaqatigiissutigineqarpoq suleqatigiilernerup ataqqeqatigiinnissamik aallaaveqarnissaa, pingaartinneqarluni Nuuk Paamiut Ivittuullu kommuniini pisuussutit pigiinnarneqarnissaat eqqummaariffigalugu atatiinnarneqarnissaat, soorluttaaq pingaartinneqassasoq sumiinneq tunngavigalugu assigiimmik ineriartortitsisoqassasoq.
Nuuk Paamiut Ivittuullu kommuniini aningaasaqarnermut ataatsimiititaliami ilaasortaasa erseqqissumik isumaqatigiissutigaat kattunnissaq siunertaasoq.
Borgmester Agnethe Davidsen
Borgmester Lars Sørensen
Borgmester Per Nukaaraq Hansen
