|
Aaqqissuussaanermik iluarsaaqqinnissamut tunngatillugu kommunini isumaliutinut ilangaaqqutissatut kommunit 2006-imut missingersuusiaannik KANUKOKA-mi katiterivugut kommuninik kattussuinissamut periarfissat assigiinngitsut pingasut tunngavigalugit. Kisitsisit kontoni pingaarnerniittut atorlugit taamaaliorpugut. Taamaattumik kommunit aggornilersorneqarnerata nutaap kommuninut naligiissaarutinut ataatsimoortumillu tapiissutinut qanoq kinguneqarumaarnera katiterinermi eqqarsaatigineqanngilaq. Akileraarutit procentiisa assigiinnginnerat aamma naatsorsuinermi iluarsineqanngilaq. Aaqqissuussaanermik iluarsaaqqinnissaq pillugu oqallittarnerit aallaavigalugit kommunit kattussuunneqarnissaannut periarfissat, modelit, assigiinngitsut pingasut tunngavigaavut. Periarfissaq siulleq Aaqqissuussaanermut Isumalioqatigiissitat isumaliutissiissutaanni model A1-imut naapertuuppoq. Model B-mi kommunit Paamiut aamma Ivittuut Kujataanit Nuummut nuunneqarsimapput. Taavalu model C-mi naatsorsuutigineqarpoq Tunu immikkut kommuniussasoq.
Model A:
Model B:
Model C: Modelini taakkunani kisitsisit katinnerinik takussutissat matuma ataaniipput. Una tooruk excel-regnearki paasissutissianik tamanik, aamma suliassaqarfinnut assigiinngitsunut immikkoortitikkanik, imalik piumallugu. OBS! Naqiteriniaruit regnearki taanna atoruk, takussutissat matuma ataani takuneqarsinnaasut naqiteruminaammata.
|
