Aallarniut
Allakkiaq kontoplan-imut naapertuuttumik suliaavoq. Kontot ataasiakkaarlugit kommunini suliassaat allaaserineqarput.
Suliassat aamma immikkoortitsigaapput inatsisini allaaserineqarneri naapertorlugit, aammalu kiffartuussinerup assigiissaarneqarnissaata pisariaqassusia.
Akigititat akilersuutillu inatsisitigut tunngavigisaat immikkoortunut imaattunut pingasunut immikkoortitserneqarput:
1. Inatsisinik tunngavillit naliliinertaqanngitsut
Taaguut atorneqarpoq, nalingata/naatsorsuinermi tunngavissap tapiissutit/angissutsit aamma sullitassat ersarissumik inatsimmi aalajangersarneqarsimagaangata, taamalu kommuni allaffissornikkut naliliinissamut pisussaanani.
2. Inatsisinik tunngavillit, naliliinertallit
Taaguut atorneqarpoq, inatsisini aalajangersarneqarsimagaangat kommuni pisussaasoq akiliuteqassalluni/aalajangersaassalluni akigititamik, kisiannili kommuni politikkikkut aalajangiisinnaalluni imaluunniit allaffissornikkut aalajangersaasoqarsinnaasoq:
a) akiliutissap/akigititap annertussusissaanik,
b) akigititap naatsorsornissaani tunngavissanik,
c) naliliinermi pissutsit tunngavigineqartut.
3. Inatsisinik tunngaveqanngitsut
Taaguut atorneqarpoq, kommuni politikkikkut aalajangersaaneq imaluunniit allaffissornikkut naliliineq tunngavigalugu akiliutissamik/akigititap annertussusissaanik aalajangersaasinnaagaangat, aammalu kommuni politikkikkut aalajangiisinnaagaangat imaluunniit allaffissornikkut naliliisinnaappat:
a) akiliutissap/akigititap annertussusissaanik,
b) akigititap naatsorsornissaani tunngavissanik,
c) naliliinermi pissutsit tunngavigineqartut.
Assigiissaarinissamik pisariaqartitsineq immikkoortunut pingasunut agguarneqarpoq, tamarmik immikkut qalipaasikkanut:
1. Assigiissaagassat
Taaguutit atorneqarput nalingata/naatsorsuinermi tunngavissap tapiissutip/angissutsit imaluunniit allaffissornikkut naliliinissamut tunngavissat, - imaluunniit nalingalu, naatsorsuinermilu tunngavissat assigiissaartariaqarpata.
2. Assigiissaarneqarsinnaasut
Taaguutit atorneqarput nalingata/naatsorsuinermi tunngavigisat tapiissutip/angissutsit imaluunniit allaffissornikkut naliliinissamut tunngavigisat kommunimiit kommunimut assigiinngippata, kisiannili assigiinnginnerannut pissutaasut tunngavilersorluagaappata,
taamaalillutillu assigiimmik pinnittussaatitaanermut akerliunatik aamma aaqqissuusseqqinnerup kingorna assigiinngissutsit ingerlatiin narneqarsinnaanerannut.
3. Allaffissornikkut taamaallat naleqqussagassat
Taaguutit atorneqarput nalingata/naatsorsuinermi tunngavigisat tapiissutit/angissutsit aammalu allaffissornikkut naliliinissamut tunngavigisat kommunimiit kommunimut assigiippata, kommunini katiterneqartuni, kisiannili allaffissornikkut kiffartuussinermilu periutsit assigiinnatik.
Aammali oqaatigisariaqarpoq allaffissornikkut naleqqussaanissaq pisariaqassasoq susassaqarfinni imm. 1-imi aamma 2-mi pineqartuni.
Suliassaqarfiit assigiissaariffiusussat:
Teknikkimik avatangiisinillu suliassaqarfimmi akigititat naatsorsorneqartarneranni tunngaviusut assigiissarneqassapput.
Kommunimi ataasiusumi sullissinerit assigiit assigiinngitsunik akeqartinneqarnissaat inatsisinik unioqqutitsinerunavianngilaq aningaasartuutit assigiinnginnerannik tunngaveqartinneqarpat. Kisianni atuisut akiliuteqartinneqartarnerat naligiissinneqartussaavoq (imaappoq assersuutigalugu kommunip ilaani atuisut tamakkiisumik akiliiseriarlugit kommunip ilaani allami 50 procentiinnarmik akiliisinneqarsinnaassanngillat) aammalu akigititat naatsorsorneqartarneranni tunngaviusut kommunimi tamarmi assigiissinneqassapput
Tamatuma saniatigut assigiissaarinissaq inatsisilerinerup tungaanit isigalugu pisariaqavissutut nalilerneqanngilaq. Tassa kommunit kattuttussat namminneq nalilersorsinnaassavaat suliassaqarfinni ataasiakkaani allatigut assigiissaarisoqartariaqarnersoq.
