|
ILITSERSUUTIT imaluunniit paasissutissat erseqqinnerusut pineqarsinnaapput allannerit tungujortut linkilikkat toorlugit. Pilersaarusiaq ilaterlugulu iluarsineqartassaaq suliap ineriartornera ilutigalugu, taamatuttaarlu ilitsersuutit nutaat ilanngunneqartarumaarput immikkoortunut ataasiakkaanut tunngatillugit. Suliassanik ingerlataqarfiit piffissanik pilersaarusiami tassani pingasunut immikkoortitaapput:
Aaqqissuussaanermik iluarsaaqqinnermi suliaq piffissanut tulleriinnut sisamanut immikkoortiterneqarsinnaavoq: Tunngavissanik erseqqissaaffik: Piffissaq Aaqqissuussaanermut Isumalioqatigiissitat isumaliutissiissutaata saqqummiunneqarneraniit kommunit suut kattunnissaannik inatsisitigut aalajangernissap tungaanut atuuttoq. Pilersaarusiorfik: Kattunnissamik aalajangernermiit Ikaarsaariarnermi ataatsimiititalianik qinersinermut taakkualu atuutilernerannut. Aalajangersaaffik: Ikaarsaariarnermi ataatsimiititaliat atuutilerneranniit kommunit nutaat inatsisitigut atuutilernerannut. Piviusunngortitsiffik: Kommunimi nutaami piffissaq qinigaaffiusoq siulleq, suliassat Namminersornerullutik Oqartussanit nussorneqassallutik kommunilu nutaaq atuutileriissalluni, taamaattorli ilusissani suli ativinnagu. Piffissaq taanna pillugu paasissutissat allat ilanngussorneqarumaarput tunngavissat erseqqissiartornerat ilutigalugu.
|
| Piffissaq tunngavissanik erseqqissaaffik |
15. novembari 2006:
NAAL: Inatsisartut ukiakkut ataatsimiinnerminni "Pisortat suliassaqarfiinik aaqqissuusseqqinnissamik Naalakkersuisut suliarinneqqinnissaat pillugu Inatsisartut aalajangiiffigisassaattut siunnersuut" isumaqatigiissutigaat. Aalajangiiffigisassatut siunnersuutip taassuma akuerineqarnera piffissanik suliassanillu pilersaarusiami matumani tunngaviuvoq, kommunit iluarsaaqqinnermi suliamik ingerlatseqqinnissaannut piffissalersuinermi tunngaviulluni.
Novembari-decembari 2006
ALL: Kommunit suleqatigiinnissaq/kattunnissaq eqqarsaatigalugu siunissami periarfissanik misissuipput. Kommunit aalajangikannereersimappata suliamik aqutsisoqarfik , pilersaarusiorfiup ataani eqqartorneqartoq, maannangaaq aallartereerneqarsinnaavoq.
Decembari 2006 :
ALL: Kommunit kattuteqatissaminnik kissaateqarnissaannut piffissaq kingulleq tassa ukiut nikiffiat 2006/2007.
Upernaaq 2007:
NAAL: Maanna kommunit 18-iusut kommuninut sisamanut kattunnissaat pillugu Inatsisartut upernaakkut ataatsimiinnerminni aalajangiissapput.
NAAL: Kommunit aamma Namminersornerullutik Oqartussat ataatsimoortumik IT-mik ingerlatseqatigiiffeqalernissaat pillugu aalajangertoqassaaq. Kissaatigineqarpoq ingerlatseqatigiiffik piaarnerpaamik ajornanngippallu 2007-imi upernaakkut pilersinneqassasoq.
| Piffissaq pilersaarusiorfik |
Upernaaq 2007
ALL: Kingusinnerpaamik inatsisartut aalajangerniariarpata kommunit suliamik aqutsisoqarfimmik iluarsaaqqinnermi suliassanik isumaginnittussamik pilersitsisariaqarput. Siunnersuutigineqarpoq aqutsisut tassaassasut politikkikkut aqutsisuutitat borgmesterinik inuttallit allaffissornikkullu aqutsisuutitat kommunaldirektørinik inuttallit kiisalu pilersinneqassasut allaffissornikkut suleqatigiissitat assigiinngitsut suliassaqarfinnik/ingerlatsivinnik aalajangersimasunik sammisallit.
Suliamik aqutsisoqarfiup suliassaraa ikaarsaariarnermi ataatsimiititaliat atuutilerunik aalajangigassaannut allaffissornikkut siunnersuusiornissaq. Suleqatigiissitat sunik siunnersuuteqassanersut piffissanik pilersaarusiami matumani Novembari 2007-ip aamma Januaari 2008-ip ataanni takuneqarsinnaavoq.
ALL: Suliamik aqutsisoqarfimmut suliassiissutinik piffissalersuusiamillu aalajangersaasoqassaaq.
ALL: Kiffartuussinernik naleqqussaaneq (assigiissaarineq): Kommuniulersussani kiffartuussinerit naleqqussarneqarnissaat pillugu siunnersuusiornissaq piareersarneqalissaaq.
Najoqqutassiat ukunani pineqarsinnaapput:
| Teknikki avatangiisillu |
| Isumaginninneq |
| Meeqqat inuusuttullu |
| Atuarfeqarneq |
ALL: Kommunit ingerlatsiviini aammalu innuttaasunut tusagassiorfinnullu tunngatillugu attaveqaqatigiinnermut paasissutissiisarnermullu kiisalu suliap ingerlanerani innuttaasut peqataatinneqarnissaannut pilersaarusiortoqassaaq.
ALL: Kommunit kattunnissaannik Inatsisartut aalajangernerata kingorna kommuniulersussani nutaani sulisut suleqatigiinnermut ataatsimiititaliaannik tamanut atuuttunik pilersitsisoqartariaqarpoq.
Juuni 2007
ALL: Atorfiit inuttaqanngitsut inuttaleqqinneqarnissaat, ukiunut aalajangeriikkanut atorfinitsitsisarnerit tjenestemandillu pillugit periusissiornissaq.
Ukiaq 2007
NAAL: Inatsisartut ukiakkut ataatsimiinnerminni aalajangigassatut siunnersuutit marluk suliarissavaat: 1. Kommuninngortussat sisamat suussanersut, aamma 2. Kommunerujussuarni qinerseriaasissaq.
NAAL: Inatsisartut ukiakkut ataatsimiinnerminni inatsisissatut siunnersuutit marluk suliarissavaat: 1. Ikaarsaariarnermi aaqqissuussinissaq pillugu immikkut inatsisissaq, aamma 2. Aqutsinermut inatsisip nunaqarfinni aqutsisut pillugit immikkoortuata kapitali 6-ip allannguutissaa.
Septembari 2007
ALL: Ikaarsaariarnermi ataatsimiititalianut budgeti saqqummiunneqassaaq 2008-mut budgetimut ilanngunneqarniassammat.
ALL: IT-systemini paasissutissat aaqqissuunneqarnerisa assigiinngissusiinik takussutissiornissaq paasissutissallu nuunneqarnissaannut pilersaarusiornissaq.
ALL: IT-systemimik toqqaaneq - aamma økonomisystemimik tamanut atuuttussamik.
Oktobari 2007
ALL: Budgetiliortarnermi tunngaviit periaatsillu naleqqussarneqarnerat.
ALL: 2009-imut budgetiliornermi suleriaasissamik siunnersuuteqarneq.
Novembari 2007
ALL: Suliamik aqutsisoqarfik sulianik ataani taagorneqartunik tunniussaqartussaq siullermeerutaasumik nalunaaruteqassaaq:
Suliassaqarfinni ataani taagorneqartuni suliassanik qulaajaaneq ajornartorsiutillu isumagisariaqartut suussusersineqarnerat:
ALL: Allattoqarfimmi suliassanik, suliffeqarfiup iluani sullissinermik systeminillu, aamma journaleqarnermut toqqorsiveqarnermullu tunngasunik, qulaajaaneq.
ALL: Kommunit isumaqatigiissutaannik, kommunit suleqatigiinneranni peqataanerannik, aktieselskabini assigisaannilu piginneqataanerannik takussutissiornissaq.
ALL: Sulisunik assigiinngitsunik suliaqaqatigiikkutaanik akissarsiaasalu assigiinngissutaannik takussutissiornissaq.
Decembari 2007
ALL: Kommuniulersussat kukkunersiuinikkut, sillimmasiisarnikkut allatigullu suliariumannittussarsiuunneqassapput.
Januaari 2008
ALL: Suleqatigiissitat sulianik ukuninnga politikkikkut allaffissornikkullu aqutsisuutitanut tunniussaqartussat aappassaanik nalunaaruteqassapput:
Februaari 2008
ALL: Allaffissornikkut tamatumanilu sumiiffilersuinikkut nutaamik aaqqissuussinissamik siunnersuummut atatillugu sulisoqarnermi inatsiseqarnikkut politikkikkullu pissutsinik erseqqissaateqarnissaq pillugu aqutsisoqatigiinnut siunnersuusiornissaq.
Marsi 2008
ALL: Ataatsimoortumik kontoplanit aamma teknikkikkut tunngaviusumik budgetit suliarineqarnerat (budgetit kattunnissaat).
ALL: Kommunalbestyrelsinut nutaanut (maaji 2008-miit januaari 2009-mut Ikaarsaariarnermi ataatsimiititaliaasussanut) qinersinissap piareersarneqarnera.
Apriili 2008
NAAL: Inatsisartut upernaakkut ataatsimiinnerminni inatsisissatut siunnersuutit marluk suliarissavaat: 1. Kommunit aggornilersugaanerat pillugu inatsisissaq, aamma 2. Kommuninik aqutsinermut inatsisissaq.
NAAL: Kommuniulersussani kommunalbestyrelsinut (1. januaari 2009-p tungaanut Ikaarsaariarnermi ataatsimiititaliaasussanut) qinersineq.
ALL: Ikaarsaariarnermi ataatsimiititaliap siullermik nalinginnaasumik ataatsimiinnissaani aalajangigassanik siunnersuusiorneq makku pillugit: Suleriaasissaq, budgeti, ataatsimiinnissanik pilersaarusiaq, allaffissornikkut sullinneqarnissaq aamma akissarsiat.
| Piffissaq aalajangersaaffik |
Maaji 2008
IKA: Ikaarsaariarnermi ataatsimiititaliap (IKA) siulittaasussaanik kommuniulersussami borgmesterinngorumaartumik qinersineq (ataatsimiinnermi inissitsiterfiusumi).
IKA: IKA-p ataatsimiinnissaasa piffissalerneqarnerat sumiiffissinneqarnerallu (ataatsimiinnermi inissitsiterfiusumi).
IKA: IKA-mi suleriaasissap aalajangersarneqarnera.
IKA: Pisariaqartitsineq naapertorlugu politikkikkut suleqatigiissitanik pilersitsisoqarsinnaavoq suliassaqarfimmut aalajangersimasumut tunngatillugu Ikaarsaariarnermi ataatsimiititaliamut piareersaasussamik siunnersuisussamillu.
IKA : IKA-mut budgetissap akuerineqarnera.
IKA : IKA-p allaffissornikkut sullinneqarnissaa pillugu aalajangersaaneq.
IKA: IKA-mi ilaasortat akissarsiassaannik aalajangiineq.
IKA: Atsiorsinnaatitaasussanik aalajangiineq.
Juuni 2008
IKA: Kommunaldirektørimik atorfinitsitsinissami periaasissamik piffissamillu aalajangiineq.
IKA : IKA-p kukkunersiuisussaanik qinersineq.
IKA: IKA-p allallu aningaasaqarnikkut malinnaavigiuarneqarnissaat pillugu suleriaasissamik aalajangersaaneq.
IKA: Kommunit isumaqatigiissutigisimasaannik atorunnaarsitsineq allanngortitsinerillu.
IKA : 2009-mut budgetissaq pillugu seminareqarnissanik aallarniineq.
IKA: Budgetissaq pillugu seminareqarnerni oqaluuserineqassapput kommunimi nutaassami kiffartuussinerit, akileraarutit akigititallu, politikkikkut allaffissornikkullu aaqqissuussaaneq, sumiiffilersuineq innuttaasunillu kiffartuussivinnik inissitsiterineq. Tunngaviussapput suleqatigiissitat novembari 2007-ip aamma januaari 2008-p ataani eqqartorneqartut siunnersuutaat. Kiisalu kommunalbestyrelse aalajangissaaq akisussaaffiit suut nunaqarfinnut nuunneqassanersut, tamanna budgetimi naatsorsuutigineqarniassammat.
Aggusti 2008
IKA: Kommunalbestyrelsimut nutaamut aqutsinermi ileqqoreqqusassanik aalajangersaaneq.
IKA: Karsimik naatsorsuutinillu ingerlatsinermut malittarisassanik aalajangersaaneq.
IKA: 2009-mut budgetissap siullermeerutaasumik oqaluuserineqarnera.
Septembari 2008
NAAL: Inatsisartut ukiakkut ataatsimiinnerminni inatsisissatut siunnersuutit marluk suliarissavaat: 1. Qinersinermut inatsisissaq, aamma 2. Suliassanik akisussaaffinnillu nussuinermi suleriaasissamut inatsisissaq.
IKA: Innuttaasunik kiffartuussinerup tungaatigut politikkissamik aalajangiineq (budgetiliornermi tunngaviusussat ilaat).
IKA: Suliassat suut innuttaasunik kiffartuussivinni suliarineqartassanerannik aalajangiineq (budgetiliornermi tunngaviusussat ilaat).
IKA: Suliassaqarfinnut assigiinngitsunut tunngatillugu politikkissanik oqaasertalersuineq (budgetiliornermi tunngaviusussat ilaat).
IKA: Kommunimut pilersaarusiamik aalajangiineq.
IKA: Kommunimi nutaami pisortani qullersaasunik atorfinitsitsinissami periaasissamik piffissamillu aalajangersaaneq.
IKA: Kommunip atissaanik siunnersuut. Nunap iluani pissutsit pillugit Allaffeqarfimmit akuerisassaq.
Novembari 2008
IKA: Budgetissap ukiunullu tulliuttunut missingersuusiat aappassaanik oqaluuserineqarnerat.
IKA: Allaffissornikkut aaqqissuussineq aammalu a llaffissornikkut ingerlatsiviit sumiinnissaat budgetissap aappassaanik oqaluuserineqarnerani isummerfigineqassapput.
IKA: Suliassaqarfinni tamani sullissinerit qanoq qaffasitsiginissaat budgetissap aappassaanik oqaluuserineqarnerani isummerfigineqassaaq.
IKA: Akigititat, tapiissutit namminerlu akiliutissat qanoq atsiginissaat budgetissap aappassaanik oqaluuserineqarnerani isummerfigineqassaaq.
IKA: Ullumikkut sulisuusut kommunini nutaassani siunissaannut politikkissaq budgetissap aappassaanik oqaluuserineqarnerani isummerfigineqassaaq.
IKA: 2009-miit 2010-mut budgetimi nuussinissanut maleruagassat budgetissap aappassaanik oqaluuserineqarnerani isummerfigineqassapput.
Decembari 2008
IKA: IT-mut tunngatillugu isumannaallisaanerit Datatilsynimullu nalunaarutigisassat aaqqissuunneqarnerat.
IKA: Toqqorsiveqarnerup qanoq ittuunissaanik aalajangiineq.
IKA: Allagaatinik toqqorterisarnermi kasiiliisarnermilu kiisalu allagaateqarfinni paasissutissat kattunnissaanni/nuunneqarnissaanni maleruagassanik aalajangiineq.
IKA: Aqqusernit aqqinik illullu normuinik aalajangiineq.
IKA : Kommunalbestyrelsip nutaap suleriaasissaanik aalajangiineq.
| Piffissaq piviusunngortitsiffik |
Januaari 2009
IKA: Kommunalbestyrelse nutaaq inissitsiterfiusumik ataatsimiissaaq.
