|
2.2.1 Ataatsimoortumik tapiissutit Siusinaartumik soraarninngorsimasunut utoqqalinersiutilinnulluunniit inuttut tapit Ataatsimoortumik tapiissutissat pillugit isumaqatigiissutip immikkoortua 12 naapertorlugu kommuninut ataatsimooortumik akileraarutip, inummut ilanngaatip kiisalu assigiimmik akeqartitsinerup allanngortinneqarnerannut atasumik inuinnaat aningaasarsiornikkut aalaniataarnerulernissaannik nassataqartussamik aningaasanik aqutsinikkut qasukkaallatsitsinissaq naalakkersuisut kissaatigisimavaat. Taama allanngortitsinikkut inummut aamma nalinginnaasumik ilanngaatit qaffanneqassapput, tamatumalu ilaatigut kingunerissavaa siusinaartumik soraarnerussutisiallit utoqqalinersiutillillu aningaasaasa pisiutigineqarsinnaasut ataatsimut isigalugit qaffannissaat. Pisortanit soraarnerussutisiaqarneq pillugu inatsisartut peqqussutaanni aalajangersakkat KANUKOKA-p aningaasaqarnermut pisortaqarfimmut ilisimatitsissutigisimavai, tassani § 14 naapertorlugu inuttut tapisiassaliinermi inuit ataasiakkaarlugit naliliiffigineqartussaallutik, KANUKOKA-lli ataatsimoortumik tapiissutissat pillugit isumaqatigiissut takoqqullugu inassutigaa allannguinermut qulaani taaneqartumut toqqaannartumik kinguneritillugu inuttut tapisiassat kommuninut sapinngisamik iluarsiissuteqarfiginaveersaaqqullugit. 10.2 Eqqakkat kuuffiinut pingaarnernut 2005-imiit aningaasaleeqqinnissaq Eqqakkat kuuffiinut pingaarnernut aningaasaleeqqissutissanik atuisinnaanissaq pillugu aningaasanut pilersaarusiornissamut ilitsersuut 1. Ataatsimoortumik tapiissutit pillugit Namminersornerullutik Oqartussat kommunillu ukioq aningaasanut pilersaarusiorfik 2005 eqqarsaatigalugu isumaqatigiissummi ilaliussaq 2-mi ilaatigut ima allassimavoq: ”Ilaliussami matumani takutinneqarput eqqakkat kuuffiisa pingaarnerit iluarsartuunnissaannut aaqqissuussinikkut 2005-imi tapiissutit agguataarsimanerat, aamma ukiuni missiliuiffiusuni 2006-2009-mi agguataarsimanissaattut naatsorsuutigineqartoq. Agguataarineq Rambøll-ip 21/05-2001-imi Nalunaarusiaani nukinginnartumik aningaasaliisoqaqqinnissaanik pisariaqartitsinerup agguataarsimanissaatut naatsorsorneqartoq aallaavigalugu suliaavoq. Agguaassineq ataani takutinneqartoq illuatungeriit iluarsiniarlugu aamma ataatsimoortumik tapiissutissat pillugit ukiumoortumik isumaqatigiissutaasartuni malitseqartittarniarlugu isumaqatigiissutigisaat malillugu aningaasat 2005-2009-mut ingerlanerani atorumallugit kommunit pisussaatipput. Aningaasat 2005-imi atugassat aaqqissuussaanermut tapiissutini ilanngussaapput.
2. Ilaliussaq 2-mi qulaaniittumi aningaasaliissutitut naatsorsukkat aningaasartuutinut tamanut naatsorsuussaapput, pilersaarusiornermut, misissueqqaarnermut iluarsartuussinermullu imminermut aningaasaliissutit ilanngullugit. 3. Kommunit ukioq aningaasanut pilersaarusiorfik 2005 pillugu kommuninut agguaassineq malillugu qularuteqaratik atuisinnaapput. 4. Kommunit ilaliussaq 2-mi ilanngunneqartut eqqakkat kuuffii pingaarnerit eqqarsaatigalugit piffissamut 2006-2009-mut pilersaarusiornermut, misissueqqaarnermut iluarsartuussinermullu pilersaarusiarisamik naammassillugit agguataarneri Kanukokap kissaateqarnera malillugu 2005-imi marsip aallaqqaataa nallertinnagu Kanukokamut nassiutissavaat. Taamaattumik piffissamut 2006-2009-mut kommuninut agguataarineq naammassisaq Kanukokamit erseqqilluinnartumik ilisimaneqalersinnagu ilaliussaq 2-mi taaneqartutut agguataarineq allanngortinneqarsinnaammat kommunit tamatumani akuusut naatsorsuutigisinnaavaat. Allatut oqaatigalugu kommunit ilaliussaq 2-mi akuusut kommunit akornanni agguataarineq naammassisaq piffissamut 2006-2009-mut tunngasoq aalajangersarneqareerpat, aamma tamanna Namminersornerullutik Oqartussat qulakkeereerpassuk, aatsaat piffissamut 2006-2009-mut aningaasaalissuutaasut atorsinnaalissagitik naatsorsuutigisinnaavaat. Kanukokap Aningaasaqarnermut Pisortaqarfiup tungaanut nakkutigissavaa aningaasaleeqqiffissatut pilersaarutaasut taamaallaat tassaassammata eqqakkat kuuffitoqaat pingaarnerit 1998-imi jannuaarip aallaqqaataani Namminersornerullutik Oqartussanit tiguneqartut. 6. Kommunit piffissami 2005-2009-mut eqqakkat kuuffiisa iluarsartornissaannut atugassanik allanik Namminersornerullutik Oqartussanit piumasaqaqqissinnaassanngillat. Kommunit ukiuni missiliuiffiusuni eqqakkat kuuffiinut pingaarnernut aningaasaleeqqinnissamut atugassiinissaanik neriorsuutit Aningaanut Nunanullu Allanut Naalakkersuisoq 2005-imut Aningaasanut Inatsimmi imaattunik oqaasertaliisitsivoq: Konto pingaarneq 20.05.20 Kommuninut ataatsimoortumik tapiissutit
Nr. 2. Konto pingaarneq 20.05.20 Kommuninut ataatsimoortumik tapiissutit, pillugit oqaaseqaatit
Nr. 2. Aningaasanut Nunanullu Allanut Naalakkersuisup neriorsuinissamut periarfissaa taamaallaat atortussanngortinneqarsinnaavoq kommuninut agguaassineq piffissaq 2006-2009 eqqarsaatigalugu naammassivillugu aalajangersarneqarsimappat. Takuuk siusinnerusukkut immikkoortoq 1-imi immikkoortoq 4. Piffissamut 2006-2009-mut kommunikkaartumik naammassillugu agguaasineq ataatsimoortumik tapiissutissat pillugit tullianik isumaqatigiinniarnissat, ukiumut pilersaarusiorfiusumut 2006-imut tunngasut, naammasinnginnerini nalunaallineqarsimassasoq naatsorsuutigineqarpoq. |
