Matumuuna saqqummiunneqarput kommunit 2002-mut naatsorsuutaanni kisitsisit najoqqutassat.

Kisitsisit najoqqutassat ukiumoortumik taamatut saqqummiunneqartarneranni ilaatigut siunertaavoq kommunit imminnut naleqqiunnissaminnut tunngavissaqarnissaat. Naleqqiussissagaannili kontulersuinermi periaatsit assigiinnginnerat eqqaamasariaqarpoq. Soorlu immikkoortortani aalajangersimasuni ukiut kingulliit ingerlaneranni pissutsit nalilersorniassagaanni aamma eqqarsaatigisariaqarpoq kommunit arlallit piffissami pineqartumi kontulersueriaatsiminnik allanngortitsisimasinnaanerat.

Pissutsit tamakku eqqarsaatigalugit naqitikkami matumani ilaatiguinnaq iluarsiisoqarsimavoq. Iluarsiinerit kingunerisaannik kommuninut arlalinnut tunngatillugu kisitsisit naatsorsuutinut pisortatigoortunut naapertuutinngitsortaqassapput.

Kisitsisini saqqummiunneqartuni siullerpaamik Kangerlussuaq Sisimiut Kommunianni nunaqarfittut ilaatinneqarpoq. Taamaattumik aamma tamanna eqqarsaatigineqassaaq ukiuni siuliini  naatsorsuutinut sanilliussiniaraanni.

Naatsorsuutini kisitsisinik najoqqutassanik saqqummiussineq ukioq manna taamaallaat kommuneqarfiit kattuffiata nittartagaatigut pivoq.