Ilinniartitsisunik atorfinitsitsisarnerup kommuninit 1. januar 2001 tiguneqarnerata kingorna ineriartorneq qanoq innersoq malinnaaffiginiarlugu KANUKOKA ukiut tamaasa nalunaarusiortarpoq. Malugeqqusavarpulli ukioq atuarfiusoq 2008/2009-mi kisitsisit amigaataammata.

Nalunaarusiorneq pisarnertut kommunit 1. oktoberimut nalunaarusiarisartagaat aallaavigalugit suliaapput.

Nalunaarusiaq makkunannga imaqarpoq:

Ukiuni atuarfiusuni qulini atorfiit pigineqartut.

• Atorfiit pigineqartut forskolelærerinit/ilinniartitsisunillu ilinniarsimasunit procentinngorlugit qanoq annertutigisumik atorfeqarfigineqarnersut.
• Forskolelæreritut/ilinniartitsisutut ilinniarsimasut atorfeqartitat amerlassusaat ukioq atuarfiusoq 2010/2011.
• Timelæreritut atorfeqartitat amerlassusaat ukioq atuarfiusoq 2010/2011 (tassani apeqqutaatinneqanngilaq atorfeqartitaq iluitsumik ilaannakumilluunniit sulisuunersoq).
• Ilinniartitsisoqassutsip siuariarnera/kinguariarnera ukioq atuarfiusoq 2009/2010-imit 2010/2011-mut.
• Ilinniartitsisoqassutsip siuariarnera/kinguariarnera ukioq atuarfiusoq 2000/01-imit 2010/2011-mut.

./. Nalunaarusiaq ilanngunneqarpoq, nunarput tamaat, kommunikkaartumik kiisalu atuarfikkaartumik nalunaarsuinertalik.

Kommunit 1. oktober 2000-imiit nalunaarsugarisartagaat 1. oktober 2010 ilanngullugu aallaaviupput. Ukiuni taakkunani qulini atorfiit piusut naatsorsorneranni, atuarfiit tiimit atorneqartut pillugit nalunaarutaat, aallaaviupput.

Atuarfiup ukiumut tiimit atugassai sulisut sulinngiffissaanik, sapaatini nalliuttunilu sulinngiffissanik ilanngarsinnarlugit inernera 1.784-imik (atorfiup iluitsup tiimii) agguarlugu. Atorfeqartitat amerlassusissaat nassaarineqartoq atuarfiup pisortaata, atuarfiup pisortaata tulliata kiisalu sunngiffimmi sammisassaqartitsinermi pisortaasup amerlassusiinik ilanngarneqassaaq - taamatut atorfeqartitsisoqarpat. Taamaalilluni atuarfimmi atorfiit pigineqartut pillugit kisitsisit nassaarineqassapput.

Taamaalilluni qulaani pisortatut atorfiit pineqartut forskolelæreritut ilinniartitsisutullu ilinniarsimasunik ilinniartitsisussaqarniarnermut kisitsinermi ilaatinneqanngillat.

Ukua paasineqarput:

• Atorfiit pisariaqartitat ukioq atuarfiusoq 2009/2010-mi 1.241-iupput 2010/2011-milu 1.260-iullutik.
• Ukioq atuarfiusoq 2010/2011 forskolelæreritut ilinniartitsisutullu ilinniarsimasut atorfeqartitat ukiumi atuarfiusumut 2009/2010-mut naleqqiullugu arfineq-marlunnik ikileriarput. Illoqarfinni ikileriaat nikigatik nunaqarfinnilu atorfeqartitat arfineq-marlunnik ikileriarlutik.
• Atorfiit pisariaqartinneqartut forskolelæreritut ilinniartitsisutullu ilinniarsimasunit atorfeqarfigineqartut ukioq atuarfiusoq 2009/2010-miit ukioq atuarfiusoq 2010/2011-mut naleqqiullugu 1,6 %-imik appasinneruvoq.
• Atorfinitsitsisarnerup kommuninit tiguneqarneraniit forskolelæreritut ilinniartitsisutullu ilinniarsimasut atorfeqartinneqartut 29-nik amerleriarsimapput.
• Atorfinitsitsisarnerup kommuninit tiguneqarneraniit atorfiit pisariaqartitat 35-nik amerleriarsimapput.
• Nunaqarfiit 12-it ilinniarsimasunik atorfeqartitaqarnissaminnut pisariaqartitsisut ilinniarsimasunik atorfeqartitsinngillat. 2001-imi atorfinitsitsisarneq kommuninit tiguneqarmat nunaqarfiit ilinniarsimasunik ilinniartitsisoqanngitsut aamma 12-iupput.

Kommunini ilinniartitsisussaqarniarnerup inissisimanera:

Kommune	Ilinniartitsisunik forskolelærerinillu atorfeqartitsineq procentinngorlugu	Allannguut 2009/2010-mut naleqqiullugu
Qaasuitsup Kommunia	66,0 %	-2,5%
Qeqqata Kommunia	61,6 %	+4,1%
Kommuneqarfik Sermersooq	71,4 %	-2,1 %
Kommune Kujalleq	66,9 %	-5,0 %

Illoqarfinni nunaqarfinnilu kommunitoqqat aallaavigalugit agguaqatigiisitsinermi kisitsisit 1. oktober 2010-meersut aallaavigalugit ilinniartitsisunik/forskolelærerinillu atorfeqartitsineq imatut maannamut isikkoqarpoq:

Immikkoortiterineq	Kommuniusimasut nunarfiilu	%
50% ataallugu	Upernavik Ittoqqortoormiit Maniitsoq	(36,4%) (38,9%) (49,5%)
50% qulaallugu 60% ataallugu	Tasiilaq Uummannaq Nanortalik Paamiut	(54,0%) (57,1%) (58,2%) (59,0%)
60% qulaallugu 70% ataallugu	Kangaatsiaq Narsaq Ivuttuut Qaanaaq Sisimiut	(63,4%) (65,1%) (66,7%) (68,4%) (68,8%)
70% qulaallugu 80% ataallugu	Qaqortoq Aasiaat Qasigiannguit	(75,4%) (76,4%) (76,9%)
80% qulaallugu	Ilulissat Nuuk Qeqertarsuaq	(80,7%) (81,3%) (86,4%)

 

Nunarput tamaat ukioq atuarfiusoq 2010/2011-imi atuartut amerlassusaat: 8586

Nunaqarfinni atuartut ukioq atuarfiusoq 2010/2011-mi amerlassusaat: 1921 (22,37%)

 

Nunaqarfinni atuarfiit ilinniarsimasunik ilinniartitsisoqanngitsut 2010/2011:

Nunaqarfik /Bygd	Atuartut amerlas-susaat/Elevtal
Kommune Kujalleq
Aappilattoq	24	34
Saarloq	7
Qassimiut	3
Kommuneqarfik Sermersooq
Kapisillit (Ungasianiit atuartitsitsineq misilerarneqarpoq - Fjernundervisning testes)	5	18
Isortoq (Ilinniartitsisut angalasut tapertarineqarput - rejselærere anvendes)	13
Qaasuitsup Kommunia
Kangerluk	6	110
Nuussuaq	38
Nutaarmiut	7
Naajaat	9
Innaarsuit	22
Aappilattoq	25
Qeqertat	3
Katillugit / I alt (162 udgør 8,43% af bygdeelever/162 nunaqarfinni atuartut 8,43 %-eraat)		162 (8,43%)

KANUKOKA-miit kommuninut kaammattuutigerusupparput atuarfinni tiiminik atuinerup nalilersorluarlugu ingerlanneqarnissaa eqqumaffigilluaqqullugu tiimimmi atugassanngortinneqartut ilinniartitsisunillu pisariaqartitsineq imminnut ataqatigiimmata. Meeqqat atuarfiat pillugu Peqqussut tiiminik atuartitsinermut atugassanik minnerpaaffiliivoq. Kommunit namminneq minnerpaaffiliineq malissanerlugu amerlanerusunilluunniit tiimiliissanerlutik aalajangersinnaavaat. Kommunit aamma aalajangiiffigisinnaavaat atuartitsinerup qanoq aaqqissuunneqarluni ingerlanneqarnissaa, atuaqatigiikkaat, holdikkaat, marlunnik ilinniartitsisoqartitsineq, atuaqatigiinnik avitsitsilluni atuartitsineq naliginnaasumillu immikkut atuartitsineq il. il. eqqarsaatigalugit. Atuarfiit atuartukitsut peqqussummi minnerpaaffiliunneqartunit ikinnerusunik tiimiliinissaminnut aamma periarfissaqarput. - "tiiminik allannguinermik atuinissamut" taaneqartartunik. Sulineq pillugu isumaqatigiissummi aamma sulisunut ataasiakkaanut tiimiliinissamut periarfissaqarpoq - taakkunanili aamma kommuni nammineq alaajangiisinnaavoq qanoq taakkununnga atuitiginiarnerluni atuinnginniarnerluniluunniit.

KANUKOKA-miit innersuussutigerusupparput kommunit perorsaanikkut aallaaveqartumik nalilersuillutik tiiminik atuinissamut nalilersuisarnissaannik. Tassani atuartut, atuartitsissutinut qitiusumit ilikkagassatut anguniagassatut aalajangiussanut, atuartitsinissamut tiimilersuineq atuaqatigiikkaanillu aaqqissuineq aqqutigalugit angusaqarniarnissaannut periarfissinneqassapput. 

Paasiniaaffissaq: Simon Lennert