Nuuk, 31. januaari 2006
Kommuninit aallartitat 8.-9. maj 1999 ataatsimiinneranni oqaluuserineqartut ilagaat kommunit Kalaallit Nunaanni itsarnitsanik misissuinernut tapiissuteqartarnermut Kalaallit Nunaanni kommunit aningaasaateqarfiannut ukiumut aalajangersumik akiliuteqartaleqqullugit kajumissaarneqarnissaannik siunnersuut.
Siunnersuummut tunngaviuvoq ukiuni kingullerni aningaasanik ikittuinnarnik itsarnitsanik misissuinernut tapiissuteqartarnissamut periarfissaqartarsimanera. Aningaasaateqarfiup aningaasaatai kommunit ukiumoortumik akiliuteqartarnerisigut amerlisinneqarsinnaappata aningaasaateqarfiup aningaasaataasa erniaat amerliartussagaluarput, taamalu itsarnitsanik misissuinernut amerlanerusunik tapiissuteqartoqarsinnaalerluni.
Aallartitat ataatsimiittut aalajangerput kommunit ataasiakkaat ukiut tamaasa 1. april nallertinnagu ikinnerpaamik 2.000 kr.- Kalaallit Nunaanni itsarnitsanik misissuinernut tapiissuteqartarnermut Kalaallit Nunaanni kommunit aningaasaateqarfiannut akiliisaleqqullugit kajumissaarniarlugit.
Kommunit taama akiliutigisartagaat aamma aningaasaatit ukiumut erniaasa 10 %-iisa illikartittarnerisigut aningaasaateqarfiup massakkut 790.000 kronit aningaassaatigilersimavai. Aningaassateqarfik 2005-mi erniatigut ima pissarsiaqartigisimavoq 2006-mi 44.000 kr.-nik tapiiissuteqarsinnaalluni – taakkuli ilaat tassaallutik tapiissutit atorneqanngitsoortut 14.000 kr. 2005-miit nuunneqartut. Kommunit akiliutigisartagaat aqqutigalugit Kalaallit Nunaanni itsarnitsanik misissuinernut amerlanerusunik tapiissuteqartalernissamut siunissami periarfisiinissaq neriuutigineqarpoq.
Ikinnerpaamik 2.000 kr.-nik akiliisarnissamik aallartitat kajumissaarinerat 2005-mi kommunit 15-it malissimavaat. Tamakku aningaassateqarfiup aningaasaatai 32.000 kr.-nik amerlisinneqarnerannut pissutaaqataapput. Aningaasanik taama amerlatigisunik aningaasaateqarfimmut aatsaat akiliuteqartoqarpoq. Kommunit 15-it taakku akiliutaannut qutsavigineqarput, aningaasaateqarfiullu soorunami neriuutigaa aallartitat kajumissaarutaat kommunit tamarmik 2006-imi malikkumaaraat.
Kommunit ukiumoortumik akiliutaat Itsarnisarsiornermut Aningaasaateqarfiup GrønlandsBanken-imi kontoanut ikineqartarput. Kontop taassuma normoraa 6471 8418176. Akiliuteqarnermi kommunip aqqa nalunaarutigeqquneqarpoq, taamatullu aningaaserivik qinnuigeqquneqarluni kommunip akiliinera allagartalerlugu Kattuffimmut nalunaarutigeqqullugu.
./. Aningaasaateqarfiup ukioq 2005-mut naatsorsuutai paasissutissatut ilanngunneqarput. Naatsorsuutini takuneqarsinnaasut ilagaat kommunit akiliutaat aamma aningaasaateqarfiup itsarnitsanik misissuinernut 2005-mi aningaasaliissutigisimasai.
Taaneqarsinnaavoq aningaasaateqarfimmit tapiissutinik qinnuteqarnissamut 2006-imi 1. marts killiliussaammat, qinnuteqartut aasakkut itsarniarsiulinnginnerminni akissutisisinnaaqqullugit. Aningaasaateqarfimmit tapiissutinik qinnuteqaatit uunga nassiunneqassapput: Kalaallit Nunaanni Kommuneqarfiit Kattuffiat, att. Itsarnisarsiornermut Aningaasaateqarfik, postboks 10, 3900 Nuuk. Aningaasaateqarfiup malittarisassani § 2 naapertorlugu siunertaraa: Aningaasaateqarfiup siunertaraa inunnut suliffeqarfinnullu Kalaallit Nunaanni itsarnitsanik misissuiniartunut aamma allatigut Kalaallit Nunaata qangarsuaq pissuserisimasaanik misissuiniartunut tapersersuutitut atuutissalluni. Ingerlanniakkat Kalaallit Nunaanni katersugaasiveqarnikkut ingerlatanik aamma ilisimatusarnermik Kalaallit Nunaanni pilersinneqarsimasumik tunngavillit tapiissutinik agguaassinermi salliutinneqartussaapput.
Kalaallit Nunaanni itsarnitsanik misissuinernut tapiissuteqartarnermut Kalaallit Nunaanni kommunit aningaasaateqarfiat pillugu passissutissanik amerlanerusunik pissarserusuttut nittartagarput www.kanukoka.gl/1613 aqqutigalugu pissarsisinnaapput.
Kommunit sumiiffiini katersugaasiviit allakkiaq manna pillugu ilisimateqqullugit inussiarnermik qinnutigineqarpoq.
Inussiarnersumik inuulluaqqusillunga
Karl Nielsen
siunnersorti
