|
Danmarkimi kommuneqarfiit kattuffiat KL suleriaatsinik misissueqqissaarnermut najoqqutassiortitsisimavoq atortussiortitsillunilu. Najoqqutassiap imarai suleriaatsinik aalajangersimasunik misissuisoqarnissaanik aalajangertoqarneraniit suleriaatsinik nutaanik atortuulersitsinerup tungaanut qanoq iliortoqarsinnaaneranik ilitsersuutit. Najoqqutassiat taakku KL-ip nittartagaatigut saqqummiunneqarput, matumuunalu aamma Kalaallit Nunaanni Kommuneqarfiit Kattuffiata nittartagaatigut taakkua assilineri aaneqarsinnaanngortippavut piumasamik atugassatut isumassarsiorfissatullu. Kalaallisuunngortinneqanngillat. Suleriaatsinik misissueqqissaarnermut najoqqutassiaq sumulluunniit tunngatillugu atorsinnaasuliaasutut oqaatigineqarpoq. Kommunip allaffiani pisortat imaluunniit kommunalbestyrelse aalajangerpata suliat qanoq sivisutigisumik ingerlanneqartarnissaat, pitsaassusii aammalu innuttaasut sullinneqarnerat eqqarsaatigalugit suleriaatsinik nutarterisoqartariaqartoq, najoqqutassiat taakku iluaqutigineqarsinnaapput. Soorlu immaqa misissorneqassaaq illumik sananeq pillugu innuttaasut ilaata kommunimut saaffiginninneraniit akineqarnissaata tungaanut qanoq pisoqartarnersoq. Taamatullu misissuinermi siunertaasut ima oqaatigineqarsinnaapput:
Najoqqutassiaq atortussallu tassunga tunngasut allat matuma ataani aaneqarsinnaapput. |
