Siunertaa suliassaqarfiilu pingaarnerit
Aningaasanik Nakkutilliisoqarfiup Danmarkimiittup ingerlatsinera immikkoortunut pingaarnernut pingasunut aggorneqarsinnaavoq:
Nakkutilliineq
Nakkutilliinermi sammineqartut tassaapput aningaasalersuinermik ingerlatsiviit aamma pappialanik aningaasanik nalilinnik niuerfiit.
Aningaasalersuinermik ingerlatsiviit nakkutilliiffigisat tassaapput aningaaseriviit, realkreditimik taarsigassarsiniartarfiit, sillimmasiisarfiit, soraarnerussutisiaqarfiit, sillimmasiisartunut akunnermiliuttut, Arbejdsmarkedets Tillægspension (soraarnerussutisiaqarfik), Lønmodtagernes Dyrtidsfond (aningaasaateqarfik), Arbejdsmarkedets Erhvervssygdomssikring (napparsimalernissamut sillimmasiisarfik), aningaasanik niuernermik ingerlatsiviit aamma aningaasalersuinermi peqatigiiffiit.
Pappialanik aningaasanik nalilinnik niuerfiit nakkutilliiffigisat tassaapput ingerlatsiviit aningaasanik niuerfittut akuerisat (fondsbørs-it), ingerlatsiviit niuerfittut akuerisat, pappialanik aningaasanik nalilinnik niuernermi akunnermiliuttut, aningaasanik niuernermi akunnermiliuttut, clearing (akiligassanik isumannaajaaneq) aamma nalunaarsuineq (pappialanik aningaasanik nalilinnik nalunaarsuiffiit).
Inatsisiliorneq
Aningaasanik Nakkutilliisoqarfiup siunertaasa pingaarnerit ilagaat aningaasalersuinermut tunngatillugu inatsisit suliarineqarneranni peqataanissaq aamma nalunaarutinik atulersitsisarnissaq.
Paasissutissiineq
Aningaasanik Nakkutilliisoqarfik nalunaarsuutinik kisitsisinillu najoqqutassanik aningaasalersuinermik ingerlatsivinni atugassanik katersuisarlunilu paasissutissiisarpoq. Taamaalilluni nakkutilliisoqarfik ingerlatsiviit ajunaaruteqarfigisinnaasaannik naliliinissamut tunngavissanik paasissutissiisarpoq.
Inatsisit katersat Kalaallit Nunaannut tunngasut
Qulequttap ”Lovsamling Grønland”-ip imarai malittarisassat Kalaallit Nunaannut atuuttut, Aningaasanik Nakkutilliisoqarfiup tamaani ingerlatsinerata inatsisitigut tunngavii: Tassa Danmarkimi inatsisit nalunaarutillu Kalaallit Nunaanni atulersinneqarnissaannik peqqussutit, nalunaarutit Kalaallit Nunaannut atuuttut immikkut ittut kiisalu Danmarkimi inatsisit nalunaarutillu Kalaallit Nunaannut toqqaannartumik atuuttut. Inatsisinik katersat ataavartumik iluarsineqartarput.
Nittartakkami qulequttat imaapput:
Lovsamling Grønland (Inatsisit katersat Kalaallit Nunaannut tunngasut)
Finansiel virksomhed (Aningaasalersuinikkut ingerlatsineq)
· Finansiel virksomhed (Aningaasalersuinikkut ingerlatsineq)
Kapitalmarked (Aningaasaneq niuerneq)
· Værdipapirhandel (Pappialanik aningaasanik nalilinnik nioqquteqarneq)
Realkredit (Realkredit)
· Realkreditlån og –obligationer (Realkreditimik taarsigassarsisarneq obligationillu
Andet (Allat)
· Arbejdsskadesikring (Sulinermi ajoqusernissamut sillimmasiineq)
· Hvidvask (Pinerlunnikkut aningaasarsianik aningaaserivinnut inissiisarneq)
Garantifond for indskydere og investorer (Akileeqataasunut aningaasaliisunullu qulaarnaveeqqusiinermut aningaasaateqarfik)
