Akissut: Piffissatut tunuarfittut paasineqassaaq ulloq qinigaaffiup naaffia tassalu ulloq 30.4., tassa ullup taassuma kingornagut borgmesteri qinigaasimanani taartaaginnartutut isigisariaqarmat. Tassalu qulaani taaneqartut naapertorlugit borgmesteri soraarnerussutisiassaqarsinnaatitaavoq lr. 36 malillugu. Tassami lønramme taanna tassaasimavoq qinigaaffiup naanerata kingornagut borgmesterip akissarsiaqarfigisimasaa, piffissami tassani Nalunaarutitut nr. 24-tut 12. september 1997-imeersutut atuussimasoq naapertorlugu.
Ilanngullugu oqaatigineqassaaq Kattuffiup ilisimanngimmagu isumasiuineq qulaani taaneqartoq kommunit pisarnerannut naapertuunnersoq. Kommunit allaanerusumik paasinnissimassappata Kattuffiup inassutigissavaa 2001-imi kommuninut qinersinermut atatillugu akissarsiassatut suliunnaareernermilu akissarsiaritinneqartussatut tunniunneqartarsimasut qulaani isumasiuinermut uuttuuttunngorlugit iluarsiivigineqarnissaat.
