|
Aningaasaqarnermut ataatsimiititaliaq
Inatsisartut inatsisaanni nr. 20-mi 3. novembari 1994-imeersumi § 18 naapertorlugu kommunalbestyrelse aningaasaqarnermut ataatsimiititaliamik pilersitsissaaq kommunalbestyrelsimut ilaasortat ikinnerpaamik arfineq-marluuppata.
Ataatsimiititaliat ataavartut
Inatsisartut inatsisaanni nr. 20-mi 3. novembari 1994-imeersumi kommunalbestyrelse pilersitsisinnaavoq ataatsimiititalianik ataavartunik, taakkua qanoq katitigaanissaat sunillu oqartussaaffeqarnissaat kommunip aqunneqarneranut ileqqoreqqusani aalajangersarneqassallutik.
Aningaasaqarnermut ataatsimiititaliaq kisimi kommuninik aqutsinermut inatsit naapertorlugu ataatsimiititaliaavoq inatsisitigut pisussaaffigalugu pilersinneqartussaq. Ataatsimiititaliap taassuma suliassai aqutsinermut inatsimmi toqqaannartumik allattorneqarsimapput. Kommunalbestyrelsit pingasunik imaluunniit tallimanik ilaasortallit ataatsimiititaliorsinnaanngillat.
Suliffeqarnermut ataatsimiititaliaq
Kommunalbestyrelse Suliffeqarnermut Ataatsimiititaliamik pilersitsisinnaavoq ataatsimiititaliat ataavartut pillugit malittarisassat Inatsisartut inatsisaanni nr. 20-mi 3. novembari 1994-imeersumi § 18-imiittut malillugit.
Kommunit pingasunik tallimanilluunniit ilaasortalimmik kommunalbestyrelseqartut Suliffeqarnermut Ataatsimiititaliamik pilersitsisinnaanngillat.
Qatserisartoqarnermi kommissioni
Inatsisartut peqqussutaanni nr. 6-imi 30. okt. 1992-imeersumi § 2 naapertorlugu kommunalbestyrelse kommissionimi ilaasortat arfiniliusut ilaannik sisamanik toqqaassaaq – taakkua ilaat pingasut akunnerminit ataaserlu kommunip teknikkeqarfiani sulisut akornannit. Qatserisartoqarnermi kommissionip siulittaasussaanik kommunalbestyrelse toqqaassaaq kommunalbestyrelsip sinniisuisa akornannit.
Tamanna kissaatigineqarpat Naalakkersuisut akuerisinnaavaat kommunip ataatsimiititaliaata allap qatserisartoqarnermi kommissionip suliassaanik isumaginninnissaa.
Ulluunerani paaqqinnittarfiit siulersuisui
DSA-kaajallaasitami nr. 176-imi 1. juuli 1986-imeersumi § 14 – kommunip ilaasortaatitai tassaasinnaapput kommunalbestyrelsemut ilaasortat allalluunniit.
Pigisaareersunik pigisassanngortitsisarnermi kommissioni
Pigisaareersunik pigisassanngortitsisarneq Kalaallit Nunaannut inatsisini § 4, Inatsisinik nalunaarut nr. 69 15. febr. 1993-imeersoq – kommunalbestyrelse aallartitanik marlunnik toqqaassaaq oqaaseqarsinnaatitaasussanik, taasisinnaatitaanngitsunilli.
Pigisaareersunik pigisanngortitsisarnermi ataatsimiititaliaq
Inatsisartut inatsisaat nr. 25, 30. okt. 1992-imeersoq, § 2 – ataatsimiititaliamut taarsiissutissanik aalajangiisartumut kommunalbestyrelse ilaasortamik ataatsimik toqqaassaaq.
Inuussutissarsiutinik ilinniartitsinermi ataatsimiititaliaq
Nalunaarut nr. 20, 27. maaji 1991-imeersoq, § 16 – kommunini najukkami inuussutissarsiutinik ilinniarfeqartuni kommunalbestyrelse ataatsimiititaliamut ilaasortassamik ataatsimik kommunalbestyrelsemut ilaasortaasumik toqqaassaaq.
Atuisartut ataatsimiititaliaat
Inatsisartut inatsisaat nr. 19, 13. nov. 1986-imeersoq, § 6 naapertorlugu kommunini tamani pilersitsisoqassaaq atuisartut ataatsimiititaliaannik. Kommunalbestyrelse ilaasortassanik marlunnik toqqaassaaq, aappaa kommunalbestyrelsemut ilaasortaassalluni. Ilaasortat toqqarneqartut tamaasa sinniisussalerneqassapput.
Sunngiffimmut ataatsimiititaliaq
Sunngiffimmi sammisassaqartitsineq pillugu inatsisartut peqqussutaata nr. 5-ip 9. apr. 1992-imeersup allannguutissaanik siunnersuut 2001-imi ukiakkut inatsisartut ataatsimiinnissaanni saqqummiunneqassamaarpoq. Kulturimut, atuartitaanermut, ilisimatusarnermut ilageeqarnermullu pisortaqarfik, Nunap iluani pissutsinut allaffik Kanukokalu kommuninut kajumissaaripput fritidsnævninut qinersinissaq utaqqimaarukkallaqqullugu.
Kommunit suleqatigiiffii
Suleqatigiiffiit ataasiakkaat maleruagassiaat naapertorlugit.
INI-p immikkoortortaqarfiani siulersuisut
A/S Inissiaatileqatigiiffik INI-p siulersuisuisa aalajangernerat naapertorlugu inissiaatileqatigiiffiup immikkoortortaa siulersuisoqassaaq kommunit inissiaatileqatigiiffiullu suleqatigiinnerat nukittorsarniarlugu. Kommunalbestyrelse ilaasortanik marlunnik toqqaassaaq politikerinik atorfilinnilluunniit.
KANUKOKA
Kommunalbestyrelsenut qinersisoqareeraangat kommunit ilaasortaasut aallartitamik ataatsimik sinniisussaanillu ataatsimik kommunimi innuttaasut amerlassusiisa 5000-inik aallartitsineri tamaasa toqqaasassapput.
Nunalerinermut ataatsimiititaliaq (Nakkutilliisut)
Inatsisartut inatsisaat nr. 5, 2. maaji 1996-imeersoq, § 14 – kommunini nunalerinermik ingerlataqarfiusuni kommunalbestyrelse akunnerminit imaluunniit atorfilittanit toqqaasassaaq ataatsimiititaliami ilaasortassanik.
Kommissioni akileraarusiisartoq
Inatsisartut inatsisaat nr. 5, 19. maaji 1979-imeersoq, § 114 – kommunalbestyrelse ilaasortassanik pingasunik taakkualu sinniisussaannik pingasunik toqqaassaaq.
Najukkami radiotileqatigiit TV-iutileqatigiillu
Najukkami maleruagassiat naapertorlugit.
Katersugaasiviup siulersuisui
Najukkami maleruagassiat naapertorlugit.
Atuarfiit siulersuisui
Inatsisartut peqqussutaat nr. 1, 6. juuni 1997-imeersoq, § 45 naapertorlugu kommunalbestyrelse atuarfiup siulersuisuinit qinnuigineqarnermigut aalajangersinnaavoq kommunalbestyrelsep toqqagaa atuarfiup siulersuisuisa ataatsimiinnerini peqataasassasoq taaseqataasinnaanani.
Nalunaarut nr. 16, 20. aggusti 1997-imeersoq, § 3 naapertorlugu kommunalbestyrelse atuarfinnut siulersuisoqartinneqartussanut tamanut qinersinermi siulersuissanik toqqaassaaq. Qinersinermi siulersuisut tassaassapput siulittaasoq kommunalbestyrelsemut ilaasortaasoq imaluunniit kommunalbestyrelsep toqqagaa, atuarfiup siulersuisuini atorunnaartuni siulittaasuusoq kiisalu atuarfiup pisortaa.
SuleqatigiitS.S.P.K
Kommunini amerlanerni isumaginnittoqarfiit, atuarfiit, politiit kommunillu suleqatigiinnerannik naalisarlugu S.S.P.K.-mik taagorneqartumik aaqqissuussisoqartarpoq, ilaasortanik toqqaaneq najukkani aalajangersakkat naapertorlugit pisarluni.
Qinersinermi siulersuisut – kommunalbestyrelsinut qinersinermi
Inatsisartut inatsisaat nr. 10, 31. okt. 1996-imeersoq § 8 – borgmesteri kommunalbestyrelsimilu ilaasortat ikinnerpaamik marluk.
Qinersinermi siulersuisut – Inatsisartunut qinersinermi
Inatsisartut inatsisaat nr. 9, 31. okt. 1996-imeersoq § 8 – borgmesteri kommunalbestyrelsimilu ilaasortat ikinnerpaamik marluk.
Qinersinermi siulersuisut – Folketingimut qinersinermi
Kalaallit Nunaanni folketingimut qinersisarneq pillugu inatsimmik nalunaarut nr. 255, 28. apr. 1999-imeersoq § 10 – borgmesteri kommunalbestyrelsimilu ilaasortat ikinnerpaamik marluk.
Ulluunerani paaqqinnittarfinniilersussanik tulleriissaarisartut (visitationsgruppe)
DSA-kaajallaasitaq nr. 129, 11. dec. 1978-imeersoq – kommunalbestyrelsimit ilaasortaatitat marluk, aappaa isumaginninnermut tunngatillugu ataatsimiititaliaminngaanneersuussalluni.
| 
