|
Inatsisartut Ombudsmandiat inatsisartunit toqqarneqartarpoq. Pisortat aammalu A/S Inissiaaatileqatigiiffik INI-p aalajangiineri, innuttaasunik iliorfiginninneri suliassanillu suliarinninneri pillugit maalaarutit Ombudsmandip suliarisinnaavai. Soorlu qinnuteqarluni itigartitaasimaneq, qinnuteqaatip qanoq suliarineqarsimanera, sivisunaarunneqarsimanera atorfillillu suliarinnittut pissusilersorsimaneri maalaarutigineqarsinnaapput. Ombudsmandip misissussavaa inatsisit atuuttut unioqqutinneqarsimanersut, imaluunniit pisortat sulinerminni allatut kukkussuteqarsimasinnaanersut sumiginnaasimasinnaanersulluunniit. Eqqartuussiviit, inatsisartut, selskabit imaluunniit inuit ataasiakkaat pillugit maalaarutit Ombudsmandip suliassarinngilai. Vera Leth Inatsisartut Ombudsmandiattut atorfeqarpoq. Maalaaruteqassagaanni suut piumasarineqarpat? Kinaluunniit Inatsisartut Ombudsmandiannut maalaaruteqarsinnaavoq. Maalaaruteqarniaruit Ombudsmandi allaffigissavat, ilisimatitsissutigalugu kinaanersutit nassuiarlugulu suna maalaarutiginiarnerit. Atit sumilu najugaqarnerit nalunaassavatit, taamaalilluni Ombudsmandip nalunaarfigisarsinnaaniassammatit. Pissutsit maalaarutiginiakkat pineranniit ukioq ataaseq qaangiutsinnagu maalaarutigineqassapput. Maalaaruteqarneq akeqanngilaq. Inatsisartut Ombudsmandiat maalaarummik tigusaqaraangat qanoq pisoqartarpa? Ombudsmandi ukua pingasut arlaannik akissuteqarajunnerusarpoq:
1) Maalaarut misissorneqassaaq Inatsisartut Ombudsmandiat qanoq iliorsinnaava? Ombudsmandi misissuereerluni aalajangeruni maalaaruteqartoq taperserumallugu, pisortat maalaarutigineqartut isornartorsiorsinnaavai. Aamma Ombudsmandip pisortat inassuteqarfigisinnaavai suliaq isumaliutigeqqeqqullugu allaanerusumillu aalajangeqqullugit. Pingaaruteqarpoq ilisimassallugu Ombudsmandi nammineerluni nutaamik aalajangiisinnaanngimmat. Inatsisartut Ombudsmandiat sumiippa?
Inatsisartut Ombudsmandiat |
