Taamaattorli ataatsimiinneq taamaatiinnarneqarsinnaavoq tamanna pisariaqartuutinneqarpat kommunalbestyrelsimilu tamanna isumaqatigiissutigineqarpat. Taamatuttaaq ataatsimiinnissanik pilersaarutit allanngortinneqarsinnaapput. Ataatsimiinnissanik pilersaarut allanngortitaq nalunaarutigineqassaaq, Nakkutilliisoqarfimmullu ilisimatitsissutigalugu. Borgmesteri nammineerluni kommunalbestyrelsip ataatsimiinnissaanik taamaatitsisinnaanngilaq – aatsaalli taamaaliorsinnaalluni oqaluuserisassanik suliassaqanngippat imaluunniit taamaatitsinissamut pissutissaqavippat, soorlu sila angalaniarnerlu pissutigalugit ilaasortat arlallit ataatsimiiffimmut anngussinnaanngippata.

Ataatsimiinnissanik nuutitsineq aatsaat pisinnaavoq taamaatitsinissamut immikkullu ittumik ataatsimiigiaqqusinissamut tunngavissarititaasut atuuppata.