Suliartoqquneqaratarsinnaanermut tapisiaqarnissaq atorfinitsinneqarnermi isumaqatigiissutaasimagaangat nalinginnaasumik qaangiuttoorsiaqartitsisoqarsinnaasanngilaq.

Taamaattorli tjenestemandinut piffissaq suliffiusoq qaangiuttoortarnerlu pillugit isumaqatigiissut naapertorlugu qaangiuttoornersisitsisoqarsinnaavoq qaangiuttoornerit suliartoqquneqaratarsinnaanermut tapisiami naatsorsuutigineqartut akimungaatsiarlugit qaangiuttoortoqarsimappat – aammalu makku tunngavigalugit:

• Qaangiuttoornerit atuuttuartussaassanngillat
• Qaangiuttoornerit immikkut peqquneqarsimanermik imaluunniit isumagisassat agguaanneqarsimanerannik akuerisaasumik tunngaveqassapput, imaluunniit atorfeqarnermut tunngatillugu pisussaaffiit illersorneqarsinnaasumik isumagissagaanni pinngitsoorneqarsinnaasimanatik
• Qaangiuttoornerit annertungaatsiarsimapput
• Qaangiuttoornerit piffissap nalinginnaasumik sapaatip-akunnerinik sisamanik sivikinnerusussaanngitsup ingerlanerani pisarsimassapput

Tunngaviusut taakku tamarmik atuussimasariaqarput aammalu qaangiuttoornersiaqartitsinissaq sapinngisamik aningaasanngornagu kisiannili sulinngiffeqartitaanertut tunniuttariaqarpoq. Sulinngiffeqartitaanissaq ajornassappat aningaasanngorlugu ukiumut ataasiartumik tunniunneqassaaq. Nal. ak. 140-it inorlugit qaangiuttoornerit akilersinniarneqarsinnaanngillat.