|
Atuarfinni ulluuneranilu paaqqinnittarfinni paasissutissanik allanut oqaatigeqqusaanngitsunik tunniussisarnermi aammalu PPR-mut tunngatillugu, assigiinngitsunik suliaqartut suleqatigiinneranni angajoqqaanillu suleqateqarnermi paasissutissanik paarlaasseqatigiittarnermi assersuutissat atoriaannaat atuagaaqqami sammineqarput. Una tooruk www.kl.dk/314706 -ikkut atuagaaraq aaniarlugu, Atuagaaraq Danmarkimi kommuneqarfiit kattuffiannit Kommunernes Landsforeningimit suliaavoq tappavani malittarisassat najoqqutaralugit, taamaattumillu sianigisariaqarpoq malittarisassat Kalaallit Nunaanni atuuttut assigeqqissaanngimmatigit. Ingerlatsinermut inatsisip Danmarkimi atuuttup tunngavigisai Pisortat ingerlatsineranni suliassat suliarineqartarnerat pillugu Inatsisartut inatsisaanni nr. 8, 13. juuni 1994-imeersumi (quppernerup matuma ataani aaneqarsinnaasumi) malittarisassanut naapertuupput - inatsit taanna allanngortinneqarsimavoq Inatsisartut inatsisaat nr. 21, 30. oktobari 1998-imeersoq aamma Inatsisartut inatsisaat nr. 5, 31. maaji 2001 -imeersoq atorlugit.
Kalaallit Nunaanni atuupput nalunaarsuiffiit pillugit inatsisit siulliit 1979-imi atuutilersut. Tamatuma kingorna Danmarkimi nalunaarsuiffiit pillugit inatsisit allannguutaat Kalaallit Nunaannut atortussanngortinneqarsimanngillat. Pisortani oqartussat nalunaarsuiffii pillugit inatsit nr. 294, 8. juuni 1978-imeersoq Peqqinnissamut tunngasut pineqartillugit malittarisassat uaniipput: Napparsimasut inatsisitigut inissisimanerat pillugu Inatsisartut peqqussutaat nr. 6, 31. maaji 2001-imeersoq . Angajoqqaatut oqartussaassuseqarneq najorteqarsinnaatitaanerlu pillugit malitarisassat uaniipput: Namminersorsinnaanermik inatsisip Kalaallit Nunaannut atortuulersinneqarnissaanik peqqussut nr. 306, 14. maaji 1993-imeersoq (Nalunaarutit A 1993 qupp. 226) |
