|
Nuup Kommuneata kommunit qarasaasiaqarfianni KIT A/S-imi piginneqataasutut aktiaatissaminik tigusiumanera KANUKOKA-p siulersuisuisa akueraat. Qarasaasiaqarfik 2000-imi Kanukoka-mut aallartitat ataatsimiinneranni pilersinneqarmalli aktia taanna kommuneqarfiit kattuffianni toqqortarineqarsimavoq. Oqaluttuassartaa naatsumik oqaatigalugu imaappoq: Taamani KANUKOKA-pkattuffittut KIT A/S pilersippaa kommunit 18-iusut sinnerlugit, kommunillu tamarmik ataatsimik aktiaateqarnissaminnut periarfissinneqarput. Nuuk kisimi pinnani kommunit tamarmik aktiaatissatik pisiaraat. 2002-mili Qasigiannguit Kommuniat piginneqataarusukkunnaarluni nalunaarpoq, aktiaatinilu Kanukoka-mut toqqorneqartippaa. Maannalu Nuup Kommunea kissaateqarsimavoq aktiaatissaminik tigusinissaminik taamalu KIT A/S-imi taasisinnaatitaalernissaminik. Taamalu selskabip malittarisassai naapertorlugit kommunip aktiaataa tunniunneqarpoq 26.315,79 kr.-inik nalilerlugu. Taamaalilluni Qasigiannguit Kommuniat kisimi qarasaasiaqarfimmi piginneqataanngilaq. |
