|
NN kommuniani isumaginninnermut ataatsimiititaliaata meeqqanut tapiissutinik agguagarsinissamut ukiumi 1999-imi meeqqanut tapiiffiusumi qinnuteqaatippit itigartitsissutigineqarnera Isumaginninnermi Naammagittaalliuuteqartarfiup suliarivaa. Isumaginninnermi Naammagittaalliuuteqartarfiup nassuiaatit ilassutigineqartut tunngavigalugit naammagittaalliuut suliarisimavaa imalu inerneqarpoq
A A L A J A N G I I N E Q
NN Kommuniata 7. oktober 1999 aalajangiinera aturunnaarsinneqarpoq, suliarlu kommunimut nutaamik suliarineqaqqittussanngorlugu utertinneqarluni. Isumaginninnermi Naammagittaalliuuteqartarfiup aalajangiinermini pingaartippaa, NN kommuniata aningaasarsiatit annertuumik sivisuumillu annikillisimanerinik immikkut pissusiviusunillu tunngaveqartumik nalilersuisimannginnera, Meeqqanut tapiissutit pillugit Inatsisartut peqqussutaat nr. 11, 31. oktober 1996-imeersoq § 4, imm. 1, tak. § 3, imm. 1, aamma Meeqqanut tapiissutit pillugit Namminersornerullutik Oqartussat nalunaarutaat nr. 38, 19. december 1996-imeersoq § 1, naapertorlugu. |
