Kommunini Piareersarfinni (Vejlednings- og introduktionscentre) pisortat ilinniartitsisullu immikkoortiterneqarnerannik isumaqatigiissutit uku atuupput:

• Kommunini Piareersarfinni ilinniartitsisut immikkoortiterneqarnerannik isumaqatigiissut 8. decembari 2005-imeersoq (www.kanukoka.gl/907).
• Kommunini Piareersarfinni pisortat immikkoortiterneqarnerannik isumaqatigiissut 20. juuni 2006-imeersoq (www.kanukoka.gl/1507)

Ilinniartitsisut immikkoortiterneqarnerannik isumaqatigiissut kommunini tamani Piareersarfinnut atuuppoq. Piareersarfinni pisortat immikkoortiterneqarnerannik isumaqatigiissut atuutinngilaq kommunini Kangaatsiami, Qaanaami Ittoqqortoormiinilu, kommunini taakkunani pisortat pillugit immikkut ittumik AK isumaqatigiissuteqarfigineqassammat.

Ilinniartitsisunut pisortanullu allakkianik atorfinitsitsissutinik assersuutissat suliarineqarsimapput - tassa misiligutaasumik atorfinitsitsinernut ataavartumillu atorfinitsitsinernut tunngatillugu.

"Ilassutaasumik allakkamik" taaneqartoq ataavartumik atorfinitsitsinermi ilassutissatut atugassaavoq.

Assersuutissat taakku atorfinitsitsinernut aalajangersimasunut naleqqussartarnissaat pingaaruteqarpoq immikkoortut pisariaqanngitsut piiarlugit aammalu akissarsiat immikkoortui atunngitsut piiarlugit.