|
31. maaji 2002 Naalakkersuisut aamma PFA Soraarneq 2001-imi isumaqatigiissuteqarput pisortani sulisut immikkut kontrakteqarlutik atorfeqartut soraarnerussutisiassaqartitaanerat pillugu. Isumaqatigiissut soraarnerussutisiassaqartitsisarnermi ileqquusumik piumasarisaasut tunngavigalugit aaqqissuussaavoq. Tassalu aaqqissuussinerup imarai inuuneq naallugu pensionisiaqarneq, innarluutilittut pensionisiaqarneq, utoqqalinersiuteqarneq, meeqqanut pensionisiaqartitsineq aammalu aapparisamut pensionisiaqartitsineq. Isumaqatigiissutip kingunerisaanik immikkut kontrakteqarnikkut atorfinitsitaasunik soraarnerussutisiassaqartitsiniarnerit oqinnerulissapput pisariinnerulerlutillu. Paasissutissat najoqqutassallu matuma ataaniittut qallunaatuujunerupput, kalaallisuunngortinnerili pissarsiarisinnaagaangatsigit ilannguttassavavut.
|
