Tjenestemandit paarlaateqatigiittarnerisigut pisortat ingerlatsiviini sulisut nunat avannarliit allat arlaanni ingerlatsivimmi sulinermikkut nunani avannarlerni suliassaqarfimmik iluini pissutsinik ilisimannilersinneqarnissaannut periarfissinneqarnissaat siunertarineqarpoq. Pisortat suliassaqarfiisa ineriartortinneqarnerannik sulinermi nunanut tamalaanut tunngasut annerpaamik pingaaruteqarput. Inuttut atugarissaarnitta ingerlatiinnarneqarnissaanut ineriartorteqqinnissaallu isumassarsiornissaq pisariaqartipparput – aammattaaq nunanit sanilerisatsinnit.
Paasissutissat erseqqinnerusut soqutiginnikkaanni atuarluagassat quppernerup matuma ataani aaneqarsinnaapput: 1) Namminersornerullutik Oqartussat allagaat aamma 2) Nunani Avannarlerni tjenestemandit paarlaateqatigiittarnerat pillugu paasissutissiissut.
Kommuneqarfiit qinnuigineqarput paarlaasseqatigiinnermut qinnuteqaatit KANUKOKA-mut ingerlatittaqqullugit, qinnuteqaatit tassani tulleriinnilersorneqartassammata, kingusinnerusukkut Aningaasaqarnermut Pisortaqarfiup Isumaqatigiinniarnernut Immikkoortortaqarfianut suliareqqinneqarnissaat pillugu KANUKOKA-p ingerlateqqittartussaammagit. Malugeqquneqarpoq qinnuteqarfissap killinga tassaammat 1. februaari 2005. Qinnuteqaatit KANUKOKA-mit tiguneqareersimasariaqarput kingusinnerpaamik 25. januaari 2005.
