|
Kommunit ingerlatsiviini sulisut sulinerup aaqqissuunneqarneranut namminnerlu suliamik ilusilersugaaneranut aalajangeeqataanissamut aammalu aalajangiiniartarnerni sunniuteqaqataanissamut periarfissaqartinneqassapput. 2001-imi januaarip aallaqqaataaniit atuutilersumik kommunit periarfissaqarput suleqatigiinnissamut ataatsimiititalianik kommuni pisortat sulisullu sinniisaannik ilaasortaqartunik pilersitsissallutik. Najukkani pissutsit pitsaanerutitallu aallaavigalugit kommunip nammineq aalajangissavaa suleqatigiinnermi periaatsit ilutsillu qanoq ittuussanersut. Kommunini sulisut sinniisaat suleqatigalugit malittarisassiortoqassaaq kommunip suleqatigiinnissamut ataatsimiititaliaata najoqqutassaanik. Kommunit allaffiini suliffeqarfiinilu allani suleqatigiinnissamut ataatsimiititaliortoqarsinnaavoq. Kommunimi meeqqat atuarfiini ulloq naallugu sulisut ikinnerpaamik 20-uppata suleqatigiinnissamut ataatsimiitaliortoqassaaq. Suliffeqarfinni suleqatigiinnissamut ataatsimiititalianik pilersitsiffiunngitsuni suleqatigeeriaatsinik aalajangeeqataasinnaanermut periarfissiisunik aaqqissuussisoqassaaq. Suleqatigiinnissamut ataatsimiititaliat suliassaat:
Suleqatigiinnissamut ataatsimiititaliap katitigaanera qanoq ittuussanersoq najukkami nammineq isumaqatigiissuteqarnikkut aalajangersarneqassaaq. Ataqatigiissaarinermut ataatsimiititaliamik Kanukoka-p, IMAK-ip SIK-llu peqataaffigisaannik pilersitsisoqarsimavoq. Ataqatigiissaarinermut ataatsimiititaliap taassuma suliassaasa ilagaat suleqatigiinnissamut ataatsimiititalianik pilersitsiniarnerni ilitsersuisassalluni, isumaqatigiissummi aalajangersakkanik nassuiaasassalluni aammalu isumaqatigiinngissutinik suleqatigiinnissamut ataatsimiititaliat saqqummiussaannik suliaqartassalluni. Ataqatigiissaarinermut ataatsimiititaliap allattoqarnera Kanukoka-mit isumagineqassaaq. |
