Sullivinnik Nakkutilliisoqarfiup atuunnermini siunertaraa sulinermi avatangiisit isumannaatsuutinniarneqarnerannut, peqqinnartuutinniarneqarnerannut ineriartornartuutinniarneqarnerannullu peqataanissaq, imaaliornikkut:
Inatsit qallunaat inatsisigaat, oqartussaaffik Kalaallit Nunaannut nuunneqarsimanngimmat. Inatsilli Kalaallit Nunaanni suliffinnut tamanut atuuppoq.
Uani Sullivinnik nakkutilliisoqarfiup nittartagaani: www.at.gl sullivinni avatangiisit pillugit malittarisassat takuneqarsinnaapput.
Inatsit nalunaarutillu qallunaatuinnaq allagaapput, kisiannili kalaallisut eqikkarlugit nassuiarneqarnerat "Sulinermi avatangiisini ajornartorsiutaanerusartut pillugit ilitsersuut" piniarneqarsinnaavoq uunga saaffiginninnikkut:
Sullivinnik Nakkutilliisoqarfik
Postboks 202
3900 Nuuk
Telefon 32 15 92
E-mail at@at.gl
Kredschef: Jeper Eugenius Labansen
Sulilluni ajoqusernermik, Sulinermillu patsiseqartumik ajuuteqalernermik nalunaarutiginninneq
Sullivinnik nakkutilliisoqarfiup nittartaggani: www.at.gl -imi sulisilluni ajoqusernerit aamma sulinermik patsiseqartuik ajuuteqalersimanerit Sulisilluni Ajoqusersinnaanermut Isumannaarineq pillugu Sullissivimmut toqqaannartumik nalunaarutigineqarsinnaapput.
Sullivinnik Nakkutilliisoqarfiup aalajangigaanik maalaaruteqarsinnaaneq
Kalaallit Nunaanni sulinermi avatangiisit pillugit inatsimmi §64 malillugu maalaaruteqartoqarsinnaavoq aalajangiinermiit sap. ak. arfineq-pingasut qaangiutsinnagit (taamaaliorsinnaapput suliffik tassanilu sulisut). Maalaarut uunga nassiunneqassaaq:
Direktøren for Arbejdstilsynet
Landskronagade 33
2100 København Ø
0045 - 39 15 20 00
Sulisitsisoq sulinermi avatangiisinut akisussaavoq inatsisip kapitaliisa pingajuat naapertorlugu. Assersuutigalugu kommune (sulisitsisoq) akisussaassaaq - Namminersornerullutik Oqartussat (illunik piginnittut) akisussaassanatik - atuarfik sulinermi avatangiisinut piumasaqaatinik eqqortitsinngippat.
Sanaartugassanik suliariumannittussarsiuussisoqarsimappat entreprenøri sulisitsisutut isigineqassaaq. Nutaanilli malittarisassiortoqarniarpoq, tassa sanatitsisup sulinermi avatangiisinik isumannaatsuunissamillu isumaliutiginnittarnissaa kissaatiginarmat. Taama ilisimatitsivoq Kirstine Frank Jensen, Danmarkimi Sullivinnik Nakkutilliisoqarfimmi fuldmægtigiusoq.
