Avatangiisinut ajornartorsiutit tassunga atatillugu tassaapput mingutsitsinikkut, kusanaallisaanikkut aamma eqqiluisaarnissakkut ajoqutaasut, aamma serminnguunnikkut il.il. ajoqutaalersut", Avatangiisinut Pinngortitamullu Pisortaqarfik allakkamini 2. junimeersuni (qallunaatuua) aamma 23. junimeersuni (kalaallisuua) kommuninut allappoq.
Avatangiisinut Pinngortitamullu Pisortaqarfik isumaqarpoq imikumik qasertumik nunamut maangaannaq maqitsisoqarneratigut ajornartorsiuteqalernermi avatangiisit pillugit peqqussummi§ 10 imm. 2 malillugu peqqussuteqarnissamut toqqammavissaqartoq.
Pisortaqarfiup tamanna peqatigalugu kissaatigaa imikoorummik maangaannaq maqitsisoqarneratigut avatangiisigut ajornartorsiutaalersut pillugit suliani avatangiisit pillugit peqqussummi § 10 imm. 2 naapertorlugu peqqussuteqarnissamik aalajangiinerit tamaasa pillugit ilisimatinneqartarnissani.
Imikoorummik maangaannaq maqitsineq avatangiisitigut ajornartorsiutaalersillugu pisariaqartunik iliuuseqarnissamik peqqussuteqarnissamut periarfissaq pillugu ilitsersuut quppernerup matuma naqqani aaneqarsinnaavoq.
