Qeqertarsuatsiaani nunaqarfimmik aqutsisut aalajangersimapput nunaqarfimmi kuuffiit pitsanngorsarniarlugit. Siunertaavoq illuutillit tamarmik tankinik anartarfinnut kuutsitsivinnik pilersuinissamut aningaasatigut tapiiffigineqarsinnaalernissaat.
Kommunip nammineerlutik illuutilinnut anartarfinnut kuutsitsivinnik tankitaarniartunut tapiissuteqarnissaa inatsisinik unioqqutitsinerunnginnersoq ilisimaneqanngilaq. Nuup Kommuneata eqqartuussissuserisoq periarfissanik misissueqqullugu qinnuigisimavaa. Aaqqissuutaasinnaasoq tassaasinnaavoaq tankit anartarfinnut kuutsitsiviit pigissagai taavalu ingerlannerat aserfallatsaalinerallu illuutilimmut tunniullugit.
Inuunermi atugarissaarnerulernissaq eqqiluisaarnerullu pitsanngorsarnissaa siunertaavoq. Tankinik anartarfinnut kuutsitsiveqalerpat anartarfiit imermik kuutsitsivigalugit errortortakkat atorneqarsinnaalissapput. Taama anartarfinnut kuutitsivinnik tankilersuisoqarpat imeq errortuutikoq maangaannaq kuutsinneqassaassagluarpoq.
Namminerisaminnik illuutillit anartarfinnut kuutsitsivinnik tankilersorneqassappata tapiissutissaq illumut ataatsimut 35.000 - 40.000 kr. annertussuseqassangatinneqarpoq. Ukiumut 200.000 kr.-nik aningaasaliisarluni ingerlaannarsinnassagaanni ingerlanniagaq ukiut 12-15-it missaanni ingerlassangatinneqarpoq.
Teknik Avatangiisillu pillugit oqallittarfiup matoqqasortaani pilersaarut tamanna pillugusu sukumiisunik takussutissaqarpoq – una tooruk .
Tassunga isersinnaanngikkuit – internettimi aaqqissuisoq Kitte Vinter-Jensen attavigiuk, kivi@kanukoka.gl
