|
A-21´p atornikuusivia naammassiartuaalerpoq. Illoqarfimmi allagarsiisarnertigut inunnullu ataasiakkaanut attaveqartarnitsigut atornikunik atoqqinneqarsinnaalluartunik, sunik assigiinngitsunik atisanillu peqangaatsialerpugut. Atisat isumaginninnermut allaffimmi allagarsiinikkut agguaanneqartarput, taanna najoqqutaralugu soqutiginnittut A-21-imi saaffiginnissinnaallutik. Aamma ulluunerani paaqqinnittarfinni sulisut periarfissaalersoq tamanna paasiartulersimavaat.
Makku uninngasuutigineqarput:
Meeqqat inersimasullu atisaat
Igalaat saagui, oqorutit puui nerriviillu qalii
Nuersagassat, annoraamernit sinnikut
Foto: Rie Oldenburg
Piffissami aggersumi makku pissarsiarisussaavavut:
Pequtit, illumi atortut mikinerusut allallu – inuit nutaanik pisigaangata illoqarfimmiilluunniit aallaraangata. Tamakku ingerlatiinnarlugit angerlaanneqarsinnaapput imaluunniit A-21’p quiani nammineerluni upernaarumiit iluarsaanneqarsinnaasalissallutik.
Isumassarsiat iluarisamik atorneqarsinnaasut:
Pitsaaliuinermi siunnersorti sunngiffimmi neqeroorutitut pinngortitap atortussarititaanik kusanarsaasiornermik allanillu ilinniartitsisarpoq. Tamakkuleriniarneq aallartillugu pisuttuartarluni atuarfinni meeqqallu sunngiffimmi ornittagaanni atortussatigut sammisassaqartitsiniutitigut ileqqaagassaqangaatsiarsinnaavoq.
Aasaanerani atuanngiffik nallertinnagu Ulloq Taarsiiniarfissuaq ingerlanneqassaaq – silami niuffanneq inuit namminneq atisanik taartigiiaaffigisinnaasaat.
| 
