Agenda 21 pillugu eqikkaaneq:

Nassuiaatitaa:
"Agenda = Oqaluuserisassanut najoqqutassaq - suliassaq"
Ukiut 2100-ssaanni piujuaannartitsilluni ineriartornermi oqaluuserisassanut najoqqutassaq

Tunuliaqutaa:
Piitsuussuseq, inuit amerlavallaalernerat nunarsuullu kissatsikkiartornera nunarsuarmi tamarmi ajornartorsiutaasut aaqqinneqarnissaannik pisariaqartitsinerup 1992-imi kinguneraa Naalagaaffiit Peqatigiit avatangiisit ineriartornerlu pillugit isumasioqatigiinnerit taamanimut annersaannik ingerlatsinerat Brasiliami Rio-mi ingerlanneqartoq, naalagaaffiit naalakkersuisullu pisortaasa 181-it peqataaffigisaat. Tassani Agenda 21, tassaasoq piujuaannartitsilluni ineriartorneq, bæredygtig udvikling.-ip iliuuseqarfiginissaanut pilersaarusiaq. Tassani nalunaarut Danmarkip naalagaaffeqatigiinneq sinnerlugu akuersissutigaa; taamaattumik aamma Kalaallit Nunaat nalunaarummut tassunnga ilaavoq. Isumasioqatigiinnermi Naalakkersuisut peqataatippaat naalakkersuisoq Ove Rosing Olsen.

Kalaallit Nunaata nunani avannarlerni ministeriunerit piujuaannartitsilluni ineriartornissamik avammut nalunaarutaat aamma akuersissutigaa. Nalunaarummi tassani erseqqissarneqarpoq nunat inoqqaavi piujuaannartitsilluni ineriartornermik pilersitsinissamut atasumik misinnartumik sunniutissaqartut. Taamaammat Kalaallit Nunaat Nunat Avannarliit iluanni nalunaarummik tamatuminnga eqqortitsinissaminut immikkut pisussaaffeqarpoq.

Agenda 21-p Allakkiartaa:
Agenda 21 allakkiaavoq qupp. 500 sinnerlugit takissusilik assigiinngitsunik 40-nik kapitalilik.
Agenda 21 inatsisitut akuerisatut inngilaq, nunallu iliuusissanut pilersaarusiap immikkoortuinik eqqortitsingitsut pillarneqarsinnaanngillat.

Taamaakkaluartoq Agenda 21-p akuersissutigineqarnera ineriartorneq avatangiisillu pillugit pisortat qullerpaat angullugit nunarsuaq tamakkerlugu isumaqatigiinnertut suleqatigiinnissamillu naalakkersuinikkut pisussaafiliinertut isigisariaqarpoq. Inuiaqatigiit assigiinngitsukkuutaat 179-t allakkiaq ataaseq tamakkiullugu siornatigut atsiugaqarsimanngisaannarput. Akerlianilli oqartoqarsinnaavoq isumaqatigiinnerup akia angeqisoq. Agenda 21-p soorlu assersuutigalugit sorsunnerup ineriartornermut aserorterutaasumik sunniuttarnera, nunat siuarsagassat akiitsorpassuisa ajornartorsiutaanerat, erniarpassuit nunarsuarmi nunanut pisoortaasunut akilersugaat, piujuaannartitsisumik nukissiuutitigut aaqqiissutissat, inunngortartut killilersimaarneqarnissaat nunallu piitsut niuernikkut atugarisaat pitsaanngitsut pillugit taasaqanngivippoq. Danmark

 

Riop kingorna

Nunarsuarmi ineriartorneq imaaliallaannaq allanngortinneqarsinnaanngilaq. Taammaammat aamma Riomi 1992-mi isumaqatigiissutaasut ingerlaavartumik malitseqartinneqartuarput.

Naalagaaffiit Peqatigiit 1997-imi, Riomi pisup kingornagut ukiut tallimat qaangiunneranni, ataatsimeersuarneranni isumaqatigiissutigineqarpoq piujuaannartitsilluni ineriartornermik angusaqarniarnermi Agenda 21 tassaajuartoq iliuusissanut pilersaarusiaq tunngavigineqartussaq. Taamaattumik pilersaarusiap nutarterneqarnissaa pisariaqanngilaq, kisianni piviusunngortinnissaa assut pisariaqarluni.

Naak Riop kingorna sulisoqarsimagaluaqisoq taamaattoq nunarsuaq tamakkerlugu ajornartorsiutit ilarpassui, soorlu kaanneq, piitsuussuseq mingutsitsinerlu suli aaqqinneqaqqajanngillat – ilami allaat ilaatigut ajorseriaannarsimallutik. Ajornartorsiutinut peqqutaanerpaavoq pingaartumik nunani pisuuni inooriaaserput. Tamatta ajornartorsiummut ilaavugut, taamaattumillu tamakku ataatsimoorullugit aaqqinnissaannut tamatta immikkut akisussaaffimmik tigusisariaqarpugut. Naalakkersuinikkut suliniuteqartoqartariaqarpoq pissusissamisuuginnartutut isigalugu iliuuseqartarsinnaalersilluta piujuaannartitsisumillu aaqqiissutissanik toqqaasalersilluta, kisianni nunani ataasiakkaani sumiiffinniluunniit ataasiakkaani politikerit kisimiillutik ineriartorneq allanngortinneq saperpaat. Tamatumani nunat inui pingaarnerpaallutik peqataasussaapput. Suliaq Naalagaaffiit Peqatigiit Johannesburgimi 2002-mi ataatsimiinnerat – Rio+10 – tikillugu ingerlateqqinneqarpoq. Tassani nalilersorneqarpoq Agenda 21 piviusunngortinniarlugu nunat ataasiakkaat sumut killissimanersut. Qullersat Johannesburgimi ataatsimiinnerat pillugu uani allanik atuagassaqarpoq: www.johannesburgsummit.org

Atuakkiortoq:
Dansk Center for Byøkologi