Kullorsuarmi eqqaaviup ajoqutaanera maalaarutigineqarpoq. Maalaartoq eqqaavimmit avatangiisinut ajoqusiineq annertuumik mingutsitsinerusoq/ajoqusiinerusoq oqaatigigamiuk isumaqatigineqarpoq.

Maalaaruteqartup taarsiiffigineqarnissamik piumasaqaataata isummerfiginissaa Avatangiisit pillugit Maalaaruteqartarfiup itigartitsissutigaa eqqartuussivinnullu innersuussutigalugu.

Avatangiisit pillugit Maalaaruteqartarfiup aalajangiinermi ilaatigut makkua uparuaatigai:

• eqqaavimmit ajoqusiinerit kommunip pisimasumit piaarnerungaatsiartumik iluarsiivigisariaqarsimagaluarai
• kommunip maalaaruteqartoq iluarsaassinerup ingerlanneqarnerata nalaani akeqanngitsumik najukkamut allamut inississimasariaqaraluaraa.
• nakkutilliisutut oqartussaasoq suliffeqarfinnit avatangiisinut immikkut akuerisaanngitsunit mi-ngutsitsinerit killilerniarnissaat pillugu nalunaarummi § 2 malinniarlugu periusaasartussamik aalajangersaasimasariaqaraluartoq.

kommuni inanneqarpoq peqqussutit malinneqanngikkaangata innuttaasunut pillaatit atortaqqullugit. Tamatumani Avatangiisit pillugit Maalaaruteqartarfiup nunaqarfimmi innuttaasut eqqaavittaamik atuinissamut kajumilertinniarneranni ajornartorsiutit allaaserineqartut eqqarsaatigai