Avatangiisinut Pinngortitamullu Pisortaqarfiup (DMN) oliakunik ikuallaanermut akuersissummik qinnuteqaammut itigartitsinera maalaarutigineqarpoq.
Avatangiisit pillugit Maalaaruteqartarfiup suliaq Avatangiisinut Pinngortitamullu Pisortaqarfimmi suliarineqaqqinnissaanut innersuuppaa.
Maalaaruteqartarfiup pingaartippaa (DMN)-ip itigartitsinermini inatsisitigut maleruagassat aalajangiinermini tunngavigisimasani suunersut taasimanngimmagit. Aamma (DMN)-ip sianigisassat pingaarnerit aalajangiinermut pissutaasimasut suunersut taasimanngilai. Taamaattumik suliffimmut tunngatillugu pissutsit avatangiisinut pingaaruteqartut isummerfigineqarsimanersut takuneqarsinnaanngilaq. Aamma suliffiup mingutsitsisup inuaqatigiinnut iluaqutaanera imaluunniit illersuiniarnermi aningaasartuutit isummerfigineqarsimanersut takuneqarsinnaanngilaq.
Kiisalu aamma takuneqarsinnaanngilaq nunap pissusia aamma nunap atortulersugaanera eqqarsaatigalugit Kalaallit Nunaanna pissutsit immikkut ittut naatsorsuutiginiarneqarsimanersut.
