Imeruersaatinik kulsyremik akulinnik utertittagaanngitsunik puulinnik tuniniaanissamut immikkut akuerineqarnissamik qinnuteqaammut itigartitaaneq maalaarutigineqarpoq.

Avatangiisinut Pinngortitamullu Pisortaqarfiup qinnuteqaammut itigartitsinera Avatangiisit pillugit Maalaaruteqartarfiup atuuttussanngortippaa.

Tunngavilersuutigineqarput

- maalaaruteqartup puukunik utertitsisarnermi ilaanera,

- pilersuinermut tunngasutigut ajornartorsiutinik pinngortoqarsimannginnera,

- pissutsit immikkut ittut pineqanngimmata, aamma

- eqqartorneqartumi akunnittarfinnut, neriniartarfinnut il.il. Tunup Avannaatalu avataanniittunut immikkut akuersissuteqartoqarneq ajormat.