Cadmium tartunut, tingummut saanernullu ajoqusiisinnaavoq. Tartutigut ajoquteqalertarneq saarngillu kalkeeruttarnerat cadmiumip sunniutaasa ilungersunarnersaraat. Cadmium uumassuseqartunut amerlanernut toqunartoqalersitsisarpoq, toqqaannartumillu pineqartarluni imikkut, naasutigut uumasutigullu ilaatigullu aamma silaannakkut. Pingaartumik pupiit cadmiumeqartorujussuusinnaasarput.

Avatangiisinut cadmiumimik akoqalersitsisartut:

Cadmium zinkimik aqerlumillu atortussiornermi tapullugu suliarineqartarpoq. Avatangiisinik cadmiumeqalersitsisartut annerit allat ilaatigut tassaapput eqqakkanik ikuallaasarneq kiisalu aamarsuarnik uuliamillu ikuallaasarnerit. Issittup ilaani cadmiumimik mingutsitsineq ima angitigaaq peqqinnissamut navianarsinnaalluni. Nunarsuup issittortaani cadmiumip katersuuffii annertusiartorput.

Inunnut cadmiumimik akoqalersitsisartut:

Inuit cadmiumimik iioraasarnerannut pissutaanerpaavoq pujortartarneq. Cigaretip cadmiumimik akua 1-2ug-iuvoq. Cadmiumimik piffiusartut allat tassa kalaalimernit, pingaartumik tuttut arferillu tartui tinguilu.

Najoqqutaq:
Issittumi mingutsitsinermik apeqqutit: Issittumi avatangiisit killiffiannik nalunaarut
Linki taanna Danmarkimi Miljøstyrelsep nittartagaanut atavoq.

Arctic Pollution 2002, AMAP, 2002