Dioxininut ilaapput polychlorerede dibenzo-p-dioxinit 75-it aamma polychlorerede dibenzofuranit (PCDF) 135-t. Tamakku ilaat 12-it toqunartorujussuupput ilaatigullu naartunik ajoqusiisinnaallutik kræfteqalersitsisinnaallutillu. Aningaasarsiutiginiarlugit nioqqutissiarineqarneq ajorput ikuallaanernili nioqqutissiorlunilu passussinermi chlor aamma sananeqaatit uumassusilinneersut ataatsikkut siumugassaasaraangata piaariitsoornikkut pilersinneqartarlutik. Eqqakkanik ikuallaanermi pilerajunnerpaapput. Orpipassuit ikuallanneri dioxinit pinngortitami pissusissamisuuginnartumik pilerfiisut naatsorsuunneqartarput. Dioxinit mikisuaraaqqanut nippusimasarput avatangiisinilu arriitsuararsuarmik nungujartortarlutik, imermi uumasut nerisariiaannerisigut aalisakkat orsuanni aamma timmiaatini uumasuutinilu taakkununnga nerukkaatitigoorlutik eqiteruttarlutik.

Tuluttut taaguutaat: dioxin