Inuit ilaat sunik nikkelimik akulinnik sapigaqalertarput, pingaartumik amimikkut. Imeq nerisassalluunniit nikkelimik akoqarpata amikkut sapigaqarneq ajornerulersinnaavoq. AMAP-ip nalunaarusiaani 1997-imeersumi taaneqarpoq nunarsuarmi tamarmi arnat 7-10 procentii angutillu 1-2 procentii nikkelimik sapigaqartut. Sapigaqartulli amerliartorsorineqarput.

Nikkeli tartunut ajoqutaasinnaavoq, inuillu sulinerminni nikkelimik attuisartut imaluunniit imermik nikkelimik mingutsinneqarsimasumik imertartut annikinnerusumik ajoqusertarnerat paasineqarsimavoq.

Nikkelimik sapigaqarneq inuuneq naallugu nappaataavoq, ajorsinaveersaartoqarsinnaavorli nikkelimik akulinnik attuinaveersaarnikkut.

Najoqqutaq:
Issittumi mingutsitsinermik apeqqutit: Issittumi avatangiisit killiffiannik nalunaarut
Linki taanna Danmarkimi Miljøstyrelsep nittartagaanut atavoq.

Arctic Pollution 2002, AMAP, 2002