PAH’t (sananeqaatit usserutitallit) tassaapput uumaatsulerinikkut sananeqaatit pinngortitami arriitsumik nungujartortartut. Tamakku kræfteqalersitsisinnaasoralugit aamma inunnut uumasunullu sananeqaatitigut kingornussisinnaassutsimik allanngortitsisinnaasoralugit pasineqarput.

PAH’nik peqarfiusut tassaagajunnerupput usserut, asfalt, olia ikummatissaq kinertoq aamma qisunnut aanaveersaat. PAH aamma qisuup, oliap eqqakkallu nammattumik nungullutik ikumannginnerisigut pilersinnaavoq, tamatumuuna ikummatissat nunap iluameersut nunguinnatik ikumanerisigut avatangiisit killileruminaatsumik mingutsinneqarsinnaasarmata sialuk nittaalarluunniit aqqutigalugit nunarsuarmut tamarmut siammarterneqartumik.