Batteriit Tunniutikkit – kommuninit 14-iniit.

Aamma ukioq manna kommunit nalunaarput batteriit avatangiisinut navianartut amerlasoorujussuit avatangiisinut ajoqutaanngitsumik nungutitassanngorlugit tigooraavimmut MOKANA-mut Ålborgimiittumut nassiunneqarsimasut.

MOKANA batteriit immikkoortuinik avatangiisinut navianartunik katillugit 134.717 kg-nik ukioq manna Kalaallit Nunaanniit tigusaqarsimavoq.

Taakkunannga batteriit 112.817 kg kommunit 2004-mi MOKANA-mut nassiussaraat. Sinneruttut katillugit 21.900 kg Kangerlussuarmi Narsarsuarmilu mittarfinnit, Ittoqqortoormiini Teleservicestation-imit Nukissiorfinnillu nassiussaapput.

Akkumulatorit aqerlortaliinnaat 126.396 kg Kalaallit Nunaannit tamarmit nassiussaapput.

Tassa 2003-minngarnit 30 tonsingajannik – katillugit 29475 kg-nik – annikinnerusut.

Batteriit akkumulatorillu aqerlortallit avatangiisinut navianartut katillugit 40 tonsit missaannik 2003-minngarnit annikinnerusut nunatsinnit avammut nassiunneqarsimapput.

Taama ikinnerunerannut pissutaasut arlaqarput:

1. Sisimiut Kommuneat 2003-mi nalunaarpoq 32677 kg nassiussimagini, taakkulu amerlanersaat akkumulatorikuupput aqerlortallit uninngatitat. Sisimiut 2004-mi akkumulatorinik aqerlortalinnik batteriinillu 11.510 kg-nik nassiussivoq, taamalu Sisimiuinnaat 2003-mi 2004-milu batteriinik nassiussinermi katillugit 21.167 kg-nik nikingassuteqarpoq.
2. Kommunit arlallit, ilaatigut Maniitsup Kommunea, 2004-mi nassiussaqanngillat, pilersaarlutilli katersatik 2005-ip aallartinnerani nassiunniarlugit.

Kommunit katillugit 14-it batteriinik katersisimallutik/aamma imaluunniit nassiussisimallutik nalunaarsimapput.

Kommunit nalunaarutigisaat Mokanallu tigusimallugit nalunaarsugai annertussutsimikkut annikitsuinnannguamik nikingassuteqarput. Nikingassutaasunut pissutaapput kommunit qinnuigineqarsimammata katersukkatik, uninngatitatik nassiussimasatillu nalunaarutigeqqullugit, aamma kommunit ilarpassui batteriit uuttornissaannut atortoqannginnerat.

Batteriit katillugit 131.530 kg katersorneqarsimasutut 2004-mi kommuninit nalunaarutigineqarput.

Taakku ilaat 119.929,00 kg immikkoortuupput avatangiisinut navianartut1-7.

Nuannaarutissaavoq batterriit avatangiisinut navianartut 2004-mi katillugit 134.717 kg avatangiisinut naviananngitsumik nungutitassanngorlugit nassiunneqarsimammata.

Batteriit avatangiisinut navianartut MOKANA-mi tiguneqartut kommuninut agguataarsimanerat:

Qaqortoq Kommune	14.202,00
Narsaq Kommune	4.021,00
Paamiut	9.411,00
Nuuk Kommune	45.280,00
Sisimiut Kommune	8.625,00
Kangaatsiaq Kommune	1.885,00
Aasiaat Kommune	17.786,00
Ilulissat Kommune	7.496,00
Uummannaq Kommune	3.661,00
Qaanaaq Kommune	450,00
I alt	112.817,00

Mappip matuma ataaniittup imarai:

1. Kommuninit ataatsimoortumik nalunaarut.

*) nalunaarummut kommunit ataasiakkaat nalunaarutaanni allassimasumut oqaaseqaatinut tikkuussivoq.

2. Kommunit ataasiakkaarlutik nalunaarutaat.

3. Mokanamit immikkuualuttulersorlugu nalunaarut batteriinik Kalaallit Nunaanniit 2004-mi tiguneqartunik tamanik takutitsisoq.