|
Mokana I/S kommunit ingerlatseqatigiiffigaat eqqakkanik navianartunik, saviminernik saviminaalunnillu Kalaallit Nunaanni kommuninit tigooraasuuvoq.
Mokana nittartagaqarpoq ilaatigut akinik atuuttunik paasiniaavigineqarsinnaasumik uani
Royal Arctic Line (RAL) -ip Danmarkimut ilaatigut assartortarpai usit avatangiisinut navianarsinnaasut.
Usit pinngortitamut illersuiniarnermut tunngasut nassuiarneqarput uani :RALs Fragttarif 2003 , imm. 2.4.1 ilaatigut imaqartoq:
”Usinut avatangiisinik illersuiniarnermut tunngassutilinnut ilaapput savimerngit qanorluunniit ittut, saffiugassanik sanaat ilivitsukaanngukkat imaluunniit sisaat, savimerngit, kanngussaat, alumiiniut, aqerlut kiisalu savimerngit igitassat il.il., aatseqqillugit suliareqqinnissaannik siunertaqarluni nassiunneqartut. Taakkununnga aamma ilaapput biilit, lastbilit, sanaartortut atortui, traktorit, kranit, truckit, bussit, saviminernik sanaat kasiilikkat (taamaattorli angallatit saviminernit sanaat, prammit assigisaallu ilivitsut atorunnaakkat pinnagit).
Tunumi Usit akiat taamaallaat atuuppoq igitanut ingerlatinut motoorilinnut aamma sanaartortut atortuinut tamarmiullutillu ilivitsunut - umiarsualivinniit Royal Arctic Line-mit toqqaannartumik sullinneqartartuniit. Saviminikut 20’ BIN-it ataasiakkaannguatigut Tunumiit akuerineqarsinnaasassapput.”
Uani ammaruk akinut najoqqutassiaq usinut avatangiisinut navianarsinnaasunut tunngassutillit.
Usit avatangiisinut navianarsinnaasut Usinik navianartunik (IMO) imaqassanngillat.
"Usit navianartut nassuiarneqarput RALs Fragttarif 2003 , imm. 2.3.1 ilaatigut imaqartoq:
Taakkununnga ilaapput Usit ulorianartut, soorlu qalipaatit, International Maritime Organizationip (IMO) piumasaqaatai naapertorlugit taamaattussatut nalunaarsorneqarlutillu ilanngunneqarsimasut - innersuussaq IMDG-koder, klasse 1-9, Usitut nillataartitatut/qerititatut angallanneqarnissamik piumasaqaatitaqanngitsut. Aammattaaq uuliakut suulluunniit usitut ulorianartutut naatsorsuunneqarput. "
Uani ammaruk usinut navianartunut akinik najoqqutassiaq
Usit navianartut ilaatigut ilagivaat batteriit pinngortitamut avatangiisinullu navianaatillit, takuuk Batteriinik immikkoortiterinermik ilitsersuut, KANUKOKA
|
