"Polarfronten"-imi allaaserisaq "Deponering af restprodukter under permafrostforhold" ('Qeriuaannartumi eqqakkat sinnikuinik inissiisarneq') allagaavoq Martha Louise Rødbro-mit Sune Yding-imillu - allaaserisamullu tassunga tunngaviuvoq Danmarks Tekniske Universitetip geologiimut geoteknikimullu ilisimatusarfiani ilinniartut soraarummeerutissiaat qulequtaqartoq "Deponering af restprodukter i Sisimiut" ('Sisimiuni eqqakkat sinnikuinik inissiisarneq'). Soraarummeerutissiaq taanna suliarineqarsimavoq 2000-imi juulimiit decembarimut.
Ilisimatusarnermi professori Niels Foged (BYG-DTU) soraarummeerutissiornermi siunnersuisuusimavoq.
Soraarummeerutissiaq pingasunik pingaarnernik tunngaveqarpoq:
1) Kalaallit Nunaanni sumiiffinni assigiinngitsuni eqqakkanik ikuallaasarnerni sinnikunik kemii tunngavigalugu annertuumik misissuineq,
2) Sisimiuni eqqakkat sinnikuinik inissiiffissamik piukkunnartumik avatangiisillu eqqarsaatigalugit illersorneqarsinnaasumik misissuineq; kiisalu
3) Inissiiffiusinnaasup perkolatimik uninngatitsinnaassusianik qarasaasiatigut naatsorsuineq (perkolat = imeq taratsunik saviminernillu mingutsinneqarsimasoq eqqakkat sinnikuisa pilersitaannik).
