Aaqqissuussinerup naammassinerani naliliineq – Nuummi eqqakkat pilerfiini immikkoortiterisarneq

Eqqakkat navianaatillit nungutivinnissaat eqqarsaatigalugu akiligassanut 25 koruuninut ilanngunneqassapput, eqqagassap isaterneranut aningaasartuutit, sinneruttut angallannerannut kiisalu Mokanami Ålborgimi igitassat nungutivinnissaanut aningaasartuutit. Atortut innaallagiatortut igitassat kommunimi najugarisami isaterneqarpata inigisamut ataatsimut ukumut ataatsimut akiligassaq 40 koruunip missaaniittarpoq, tassa imaappoq: Inigisamut ataatsimut, ukiumut ataatsimut aningaasartuutit katillugit 25 kr + 40 kr, inernera 65 kroner. Taamatut naatsorsuinermi najugarisami suliffissat amerlinerisigut inuiaqatigiinnut aningaasatigut kingunissaa ilanngullugu naatsorsorneqanngilaq.

Eqqagassat kommunimi isaternagit taamaatiinnarlugit Danmarkimut nassiunneqarpata aningaasartuutit 65 koruuninut amerlissapput, taamaalillutik inigisamut ataatsimut ukiumut ataatsimut akiligassat katillugit imaalissapput: 25 kr + 65 kr, inernera 90 kroner.

Eqqakkanik immikkoortiterinermi Isumannaallisaanermut Peqqussutinut linki.

EQIKKAANEQ
Immikkoortoq una "Eqqakkat aallaaviini eqqakkat immikkoortui navianaatillit Nuup Kommuniani immikkoortiternerannik siullerpaamik ingerlatsinermi inaarniliinermit" tigusaavoq, Carl Bro A/S-ip 2005-imi suliaa Kitte Vinter-Jensen-ip KANUKOKA-meersup aaqqissuussaa.
Nalunaarusiaq tamarmi uani aaneqarsinnaavoq.Viceværtit atorlugit aaqqissuussinerup allaaserinera  

Viceværtit atorlugit aaqqissuussineq Nuummi inissiaqarfinni marlunni 1. april 2004-miit 1. april 2005-imut ingerlanneqarpoq. Inissiaqarfiit tamarmik immikkut 450 miss. inissiartaqarput, tassa 1.000 missaannik inoqarlutik. Viceværtit atorlugit aaqqissuussinermi siunertaq pingaarneq tassaavoq eqqakkat navianartut eqqakkat ingerlaarnerinit peerneqarnissaat.

Viceværtit atorlugit aaqqissuussinermi viceværti eqqakkanik makkuninnga tigooraasutut atuuppoq:

• Eqqakkat navianartut
• Elektronikikut
• Nillataartitsiviit/qerititsiviit

Viceværtip suliassaraa eqqakkat immikkoortunut taaineqartunut immikkoortiternissaat.
Eqqakkat immikkoortut entreprenørimit aaneqassapput assartorneqarlutillu, eqqakkallu immikkoortut suunerat apeqqutaatillugu passunneqarlutillu iginneqartassallutik.
Najugaqartut aaqqissuussinermut paasissutissanik kiisalu puussianik plastikinik eqqakkanut navianartunut atorneqarsinnaasunik agguarneqassapput.

Inerniliussat:
Nalunaarsuinerit ingerlanneqartut kingornagullu aningaasanut tunngasutigut naatsorsuinerit makku takutippaat:

Katersorneqartussatut naatsorsuutigineqartut:
• Inissiaqarfimmi 1.000-inik inulimmi naatsorsuutigineqarsinnaavoq eqqakkat makku imatullu annertussusillit katersorneqarsinnaasut:

Elektronikikut nillataartitsiviillu sumiiffigisami avissartittarnissaat akikillisaataasaaq
• Elektronikikut aamma nillataartitsiviit/qerititsiviit sumiiffigisami avissaartittarnissaat iluaqutaassaaq, tassa sumiiffimmi aaqqissuussinikkut passussinermut aningaasartuutit (katersuinermut aningaasartuutit ilanngunnagit) inissiamut ataatsimut ukiumut 40 kr. missaanniimmata, eqqakkat tamarmik passutassanngorlugit Danmarkimut nassiunneqartarpata tamanna 65 kr. missaanniittussaalluni.

elektronikikut avissaartinnissaannut najoqqutassamut linki
nillataartitsiviit passunnissaannut najoqqutassamut linki

Naliliinerup takutippaa inissiani najugaqartut eqqakkat navianartut elektronikikullu annikitsuinnaat viceværtimut tunniuttaraat, taassumali nammineq eqqakkat tamakku najugaqartut immikkoortissimagaangatigik inissiaqarfimmi katersortarai. Taamaammat inissiaqarfinni tigooraasarfiit aaqqissuunneqarnerisa ammasarfiisalu allanngortinnissaat isumalioqqutigisariaqarpoq, pingaartumillu malitsigitillugu suut immikkoortinneqartassasut, aamma eqqakkanut nalinginnarnut allanut akuliunneqassannginnerannik sumullu tunniukkiartorneqartarnissaannik najugaqartut paasissutissittarnissaat. Akuttunngitsumik taamaaliortoqartassaaq ajornanngippat allanngorartilaarlugu.

Misiliinerup nalaani ilaanneeriarluni eqqakkat entreprenørimit aaneqanngitsoortarput tamakkulu assipaluinik kiputtoorutissaqartarluni. Taama kiputtooruteqartarnermut pissutaasut ilagaat kommunimi inissiaatileqatigiiffimmilu sulisut akisussaasut allanik taarserneqartarnerat. Ajornartorsiut tamanna takornartaanngimmat ajornartorsiutip anigornissaanut iliuuserineqarsinnaasut malinnaasitassatut suleqatigiissitaliami sukumiisumik oqaluuserineqarsimapput, taamaattorli aaqqissutissamik erseqqivissumik nassaartoqarsinnaasimanani.

Viceværtit atorlugit aaqqissuussinermi suleqataasut arlaqarput. Patajaatsumik ingerlasinnaasumik aaqqissuussisoqarnissaa qulakkeerniarlugu inassutigineqarpoq aaqqissuussineq sapinngisamik pisariitsumik ingerlakkuminartumillu ilusilerneqassasoq. Inassutigineqarpoq kommunimi sulisumik akisussaasussamik ataatsimik toqqaasoqassasoq, taassuma akuttunngitsumik misissortassallugu aaqqissuussineq pissusissamisut ingerlanersoq. Kommunimi sulisoq akisussaasoq pitsaassaaq tassaappat sulisoq kommunimi eqqakkanik navianartunik passussinermut akisussaareersoq.

Viceværtit atorlugit aaqqissuussinerup pilerseqqaarnerani tamatuma kommunimut, viceværtinut akuusunut inissiaqarfimmillu aqutsisuusunut immikkut suliaqaataanissaa naatsorsuutigineqarsinnaavoq. Aallarteqqaarnerup kingorna suleriaatsillu sungiunneqariarpata viceværtit akuusut ullormut suliassaat siornatigutulli annertussuseqartussaapput.

Aaqqissuussinerup naammassinerani naliliinermit nalunaarusiamut naqqiut.