Nuummi inissiaqarfinni marlunni, eqqagassat pinngorfiini immikkoortiterlugit misileraalluni ingerlatsiviusuni marlunni najugaqartunik apersuinerup ilaatigut takutippaa:

• Najugaqartut nalunngikkaat batteriit atornikut pissusissaatut igissinnaagamikkik igittussaagamikkillu.
• Najugaqartut amerlanerit nalugaat eqqakkat avatangiisinut navianaatillit, soorlu ass. qillersaatit lakkit qalipaatillu sinnikui aamma elektronikkikut qanoq ililluni iginneqarsinnaasut iginneqartussaasullu.
• Nuussuarmi inoqutigiikkuutaat 89 %-iisa, Narsarsuarmili 57 %-iinnaasa, malugisimagaat paasissutissatut naqitanik agguaanneqartunik tigusaqarsimallutik. Tamatuma pasinarsisippaa paasissutissiissutitut naqitat misileraaviusumi Narsarsuarmi naammattumik anngussimanngitsut.
• Najugaqartut paasissutissanik naqitanik tigusaqarsimallutik eqqaamannittut:
  - 50-75 %-iisa atuarsimanerarpaat.
  - 25 %-iisa inissiaqarfimmi eqqakkanut eqiteriffissamik pilersitsisoqarsimasoq nalunnginnerarpaat.
  - 5 %-iisa eqiteriffissat pilersinneqarsimasut atorsimanerarpaat.
  
  Paasissutissanik pissarsivik: Mette Norengaard Sørensen allallu, Carl Bro A/S: "Eqakkat avatangiisinut navianaatillit pingorfiini immikkoortiterlugit Nuup kommuniani misiliilluni ingerlatsineq", missiliuusiat aappaat. November 2004

Taamaattumik massakkut quppersagaaqqiamik nutaamik oqariartuutigisamini erseqqinnerussagunartumik sanasoqarsimavoq.

Taanna 2005-imi januaarip aallartilaarnerani illoqarfiup aviiseeraani sap. akunnikkaartumik saqqummersartumi annoncenik malitseqartinneqassaaq. Quppersagaaqqiami eqqakkat avatangiisinut navianaatillit ilaat, elektronikkikut aamma nillataartitsivikut qerititsivikullu immikkoortiterneqartarnissaat, aammalu eqqakkat ilaat tamakku najugaqartut inissiaqarfigisaminni sumut tunniutissaneraat ukkanneqarput.

TV-mi allagartat ussassaarutit aamma batteriikut pillugit paasisitsiniaanerup TV-mi radiumilu sammineqarnerat eqqaamaneqarsimagunarput. Ikinnerpaat quppersagaaqqiat atuarniartarpaat. Ilarpassui atuffarissuunngillat imaluunniit atuakkatik paasissanagit. Inunnut amerlasuunut paasisitsiniaanermi assit nipilu atorlugit tusagassiuutit sunniuteqarnerpaasarput.

Taamaattorli tamatigut eqqaamasariaqarpoq oqariartuutiginiagaq atuaqqaanngikkaluarluni paasineqarsinnaasariqassammat.

Paasissutissat agguaanneqareersimasut una toorlugu pineqarsinnaapput