Ilulissat kommuneta malittarisassiat nutaat (maani aaneqarsinnaapput) akuersissutigineqarnerannut atasumik 2006-imi ukiuunerani eqqakkanik passussinermut atatillugu innuttaasut pisinnaatitaaffii pisussaaffiilu pillugit paasisitsiniaanermik ingerlassivoq. Paasisitsiniaanermi tusagassiuutit assigiinngitsut tamaasa atorneqarput: radio/aviiseeraq/allagarsiiviit/illunut agguaassineq/kommunip nittartagaa
http://www.ilulissat.gl/dk/Teknik_Miljo/Teknik.htma) Suliffiit tamarmik eqqakkat nalunaarsorfiannik tigusaqarput, tassani teknikimut immikkoortortap erseqqissarlugu eqqakkat nalinginnaat, eqqakkat ikumasinnaasut angisuut, eqqakkat ikumasinnaanngitsut, saviminikut aatsitassakullu, eqqakkat navianartut, nillataartitsivikut assigisaallu aamma elektronikikut immikkoortillugit sumut tunniunneqarsinnaasut.
b) Eqqakkat angisuut, ulluunerani eqqakkat anartarfilerinerlu pillugit innuttaasunut paasissutissat nassiussorneqarsimavoq. Kommunip immikkoortiterinikkut qanoq iliornera aamma immikkoortut pingasut tamaasa tungaatigut innuttaasut pisussaaffii paasisitsissutigineqarput eqqakkat angisuut pillugit inassutit tallimanngorlugit, ulluunerani eqqakkat pillugit inassutit tallimanngorlugit, aamma anartarfilinerinermut inassutit tallimanngorlugit .
c) Inoqutigiikkuutaat tamarmik eqqakkanut paasissutissiissut pivaat, tassani ilisimatitsissutigineqarlutik eqqakkat assigiinngitsukkuutaat, qanoq iliorneqarnissaat aamma sooq. Paasissutissiap imaasa ilagaat eqqakkat nalunaarsorfiat, eqqakkat immikkoortukkuutaat sumi tunniunneqassanersut erseqqissumik takutillugu, nunallu assinga tigooraaviup sumiinneranik takutitsisoq.
d) Tigooraavimmi containerit piktogramminik erseqqissunik nalunaaqutsikkat inissinneqarput, taamalu innuttaasut namminneq eqqakkat ikumasinnaasut, ikumasinnaanngitsut elektronikikullu tunniukkiartorsinnaallugit.
Aamma tigooraaviup pulasariaani takussutissiortoqarsimavoq suut sumi tunniunneqassasut ajornanngitsumik takuneqarsinnaanngorlugu.
e) Nuna tamakkerlugu batteriikunik katersuiniarneq torrallavillugu malitseqartinneqarsimavoq. Illoqarfiup aviisiani sap. akunnermoortumi illoqarfiup nunap assinga takussutissiaq naqinneqarsimavoq, tassani ulloriaasat aappaluttut erseqqissut atorlugit karsiusat katersuiviit inissisimafii takutinneqarlutik. Nunap assinga karsiusani allagartani nipititani amitsukujuuni allannerit pissuseqataanik allagartaqarpoq, taamalu inuit tamakku ajornanngitsumik nassaarisinnaavaat. Nunap assinga takussutissiaq aamma niuertarfinni batteriinik tunniussiviusinnaasuni nivinngarneqarsimavoq.
Paasissutissat nassiunneqarput Linda Rebien-imit.
