Matumuuna Ilulissat Kommuneat illumiit eqqakkatit pillugit paasisitsiniaavoq

Illumiit eqqagaqartarpugut, soorlu nerisat sinneri, qillertuusat, puiaasat, aviisit, nangit assigisaallu. Ilulissat illoqarfiani illumiit eqqagassat ikuallaaviliaanneqartarput, tassanilu ikuallanneqartarput kiassarnermullu atorneqartarlutik. Eqqaavilerisut eqqakkatit ilissinnut aasarpai. Eqqaavilerinermut aaqqissuussinerit malinneqarnissaannut pisussaavutit. Pisussaanerit oqariartuutitut tallimatut naalisarnikuuagut:

1. Eqqaavik ajunngitsuutillugu eqqiluitsillugulu
2. Eqqaata aputaajarnissaa siorarternissaalu isumagalugu, taamaalilluni eqqaavik angujuminartunngorlugu.
3. Masattut nuugittullu poortorluarlugit, puussiarsuup aserunnginnissaa pillugu, kiisalu eqqaavilerisoq kilinnginnerussammat.
4. Eqqavimmut igissanngilatit:

   -eqqakkat avatangiisinut ulorianartut

   -eqqakkat ikuallanneqarsinnaanngitsut, tassunga ilanngullugit nuna, ujaqqat, ujaraaqqat, savimerngit saffiugassallu

   -illumi uumasuutiniit eqqakkat

   -illup allanngortiterneraniit eqqakkat

   -aamat, arsakut kissartut, kussiukkanit minguit imaluunniit igitat imerpalasut suugaluartulluunniit

5. Eqqakkanut puut puumi killiffissaq naqinneqarsimasoq taamaallaat tikillugu immerneqartassapput, annerpaamillu pooq ataaseq 25 kg-lumik oqimaassuseqassalluni.

Immaqa maluginiarsimavat eqqaaviup puussiartaa qaffasinnerulaartumut ilineqartalernikuuvoq. Tamannalu pisariaqarpoq, ukiukummi naqqanut qeriguttarpoq, taamaalillunilu aaneqarnermini alilluni.

Eqqakkanut malittarisasssat atuarsinnavatit   Ilulissat Kommuneani ulluunerani eqqakkanik katersisarnermut malittarisassani", 1. januar 2006-imi atuutilertussat Kiffartuussivimmi pineqarsinnapput. 1. januari 2006 aallarnerfigalugu eqqanermut akiligassat qaammatikkaartumik siumoortumik akilerneqartassapput.

Apeqqutissaqaruit paasissutissanilluunniit perusukkuit Teknikikkut Avatangiisinullu ingerlatsivimmut saaffiginnissinnaavutit telefonnr.-mut 946257.