Avatangiisinut Pinngortitamullu Pisortaqarfiup inassutigaa eqqagassat asbestertallit nunaannarmi eqqaavissuarmi immikkoortillugit nalunaaqqutserlugillu inissinneqartassasut. Tamatumani pingaarnerpaavoq taamaattunik inissiiviusup ersitsuunissaa, piaariitsoornikkut tamakku passunneqarsinnaaqqunagit.
Asbest eqqagassat immikkoortoqatigiit Z ilaattut MOKANA’mut nassiunneqarsinnaavoq. Taamaallaat poortorsimatillugu tiguneqarsinnaavoq, Sulinermut ministereqarfiup nalunaarutaa nr. 660 24. september 1986-imeersoq naapertorlugu poortorneqarsimassalluni. Annikitsuinnakkuutaarlugu tiguneqarsinnaanngilaq.
Eqqagassat asbestertallit passunneqarnerini suliffimmi avatangiisit pillugit maleruagassaqarpoq assigiinngitsunik arlalinnik malinneqartariaqartunik. Kalaallit Nunaanni asbestilerineq pillugu malittarisassaqanngilaq.
Suliffinnik nakkutilliisoqarfik ilisimatitsivoq Danmarkimi malittarisassat sulisut avatangiisillu mianerilluarneqarnissaannut najoqqutassaqqissuusut, aamma Kalaallit Nunaanni suliffimmi avatangiisit pillugit inatsisit malinneqarnissaat eqqarsaatigalugu.
Sept. 2006
