|
Ilisarnaatinik sisamanik allanik aamma pisivugut: Kviksølvinut, uuliakunut, qulliit pæriinut takisuunut/pærinut innaallagiartornikitsunut kiisalu batteriinut. Tamarmik piariissapput 2004-mi februaarimi. Ilisarnaatit qanoq atorneqarsinnaanerinut assersuutissat uani takukkit. Kommunit ilisarnaasiat qanorluunniit atorsinnaavaat soorlu nalunaaqutsersuinermi, nipitittakkiani, paasissutissiinerni il.il. Tassa ilisarnaatit sunulluunniit atorsinnaanngorlugit pisiaraavut, ilisarnaatilli titartagartaat allanngortinneqarsinnaanngillat Randersip Kommunia peqataatinnagu. Oqaasertaannulli qalipaataannullu Randersip Kommunia piginnittuunngilaq. Ilisarnaatit pioreersut saniatigut allat sisamat suliarititavut ilanngullugit CD-rom-imut immiuteriarlugit januaarip naalernerani kommuninut tamanut nassiussuunneqassapput. Ilisarnaatit CD-rom-iniissapput pingasunik assigiinngitsunik formatilerlugit aaneqarsinnaanngorlugit: tif, eps aamma coral draw – taamaalillutik Word-dokumentini nalinginnaasuni imaluunniit programimi assitalersuutitalinni atorneqarsinnaassallutik.
Ilisarnaatit assigiinngitsut pingasunngorlugit piareerneqassapput: Kommunip nammineerluni ilisarnaatit naqiterneqarnissaat isumagissavaa. Nuup Kommunea akuersereerpoq kommunit sinneri ilisimatinniarlugit containerinut allanullu nipitinneqartartussanik ilisarnaatinik kalaallisut oqaasertalinnik inniminniileruni. KANUKOKA-p nittartagaani Miljø-e-konference ilisimatitseqatigiinnermi atorluarneqarsinnaavoq. Ilisarnaatit danskisut oqaasertallit Randersip Kommunia aqqutigalugu pisiarineqarsinnaapput. Taama pisoqarpat ilisarnaatit nipinnertuulerlugit foliamut tungujortumik qalipaaserlugit naqinneqassapput angissusilerlugit 28x28 imaluunniit 15x15. Ilisarnaat nalinginnaanerpaaq 28x28-mik angissusilik ataaseq akeqarpoq 6 kr., nassiunneranut aki momsilu peereerlugit. Ilisarnaatilli Randersimi atorneqartut nipitittaganngorlugit taamaallaat neqeroorutigineqarsinnaasussaapput. Attavigiuk:
Affaldskonsulent Jørgen Bondesen +45 89151663 Sulisoqarnikkut atugassarititaasut pissutigalugit tuniniagaareersut saniatigut allanik ilisarnaatinik/angissutsinilluunniit Randersip Kommunia naqiterisumut inniminniisinnaanngilaq.
Randersip Kommuniata ilisarnaatit naqitsissavai kiisalu atoqqitassaasivinnut allagartaliortitsilluni, suliffeqarfik Willliam Skilte, Messingvej 50, 8900 Randers, tlf. 86 43 60 60 aqqutigalugu. |
