Avatangiisinut tunngasunik suliallip Lone Kristensen-ip, Sisimiuni teknikimut immikkoortortaqarfimmi sulisup tamakkununnga paasissutissat isumassarsiorfissanngorlugit nassiussimavai. Quppernerup matuma naqqani aaneqarsinaapput nillataartitsissutikut igitat sumiiffigisami passullugit Danmarkimulluunniit nassiulluguit regneark nungutinnerinut akinik imalik.

Asseq 1 – Eqqaavissuaq suli saliisoqannginnerani, juuni 2004:

Assit tamarmik Lone Kristensenimit, Sisimiut Kommuniat

 

Asseq 2: Saliineq aallartippoq, juuni 2004

 

Nillataartitsissutit passunneqartarnerat:

Siullermik nillataartitsissut freon-itaajarneqassaaq – taamaaliortarput imaarsaat vacuumpumpe atorlugu

 

Nillataartitsissutit passunneqartarnerannik ilitsersuut sukumiisoq aamma Stinger 2000-ip Qanoq atornissaanik Ilitsersuut uani aaneqarsinnaapput

Silaannaliuut kompressori aamma kondensatori isaterneqassapput.

Asseq 4: Ruujorit kompressorimiittut immikkut ittumik atortoqarluni matusassaapput ussissumik matuneqassappata. Pussugutaannarmik atortoqaraanni ussissumik matuneqarnavianngillat uuliakoortuassaarlu.

Asseq 5: Freon, kompressorit kondensatorillu Danmarkimi suliareqqitassanngorlugit nassiunneqassapput nappartaasanut sukattartunik matusaatilinnut poorlugit.

Qerititsivinni nalasuni pisoqqani matuani ikittaammik kviksølvitalimmik peqarnersoq misissorneqassaaq.

Asseq 6. Nillataartitsissut maskina pilattuuttaasaq, vinkelsliber, atorlugu aggorneqassaaq. Sinaanut qaninaarlugu pilattorneqassaaq. Vinkelsliberip savissaa manngerluartuuguni ajunnginneruvoq.

Vinkelsliberi atorlugu pilattornermi mianersortariaqarpoq. Sisimiuni taamaaliortoqartillugu ajutoortoqarpoq vinkelsliberi nillataartitsivikoq singartiternikoq pilattortillugu sarrisoormat. Pilattortoq siffissamigut eqqortilluni kilingaatsiarpoq arlalinnik kakkillugu mersorneqartariaqartumik.

Ajornarunnaaraangat saviminertaa nallorlugu piiarneqartassaaq. Saviminertaa tamaat qapuiarneqassaaq kiliortuut qajaannaatsoq, iffiorfinnut atugassiaq, atorlugu. Taanna tamakkulerinermut naleqqulluinnartuuvoq assoroorunneqarsinnaagami aammalu savimernup sinarsui ipittut qanillivallaartariaqaratik.

Asseq 7: Qapuk kiliortorlugu piianeqarpoq – assi anginerusoq quppernerup matuma naqqani aaneqarsinnaavoq.

Karsiusat plastikiusut qapullu ikuallaasarfiup kissarsuussusani ikuallanneqassapput.

Saligineq aallartippoq 14.06.04 naammassillunilu 13.10.04

Asseq 8. Sisimiuni eqqaavissuaq saliisoqareernerani, 5. novembari  2004