BAT eqqakkanik ikuallaavinnut

Eqqakkanik ikuallaavinnut teknikkimut tunngasunik paasiniaanermik ingerlataq (BAT-projekt - BAT = Best Available Technique - Teknikki ajornannginnerpaamik pissarsiarineqarsinnaasoq) Miljøstyrelsep Avatangiisinullu Pisortaqarfiup suleqatigiillutik nalunaarusiorfigisimavaat. Kalaallit Nunaanni ikuallaaviit angisoorsuunnginnerat atortorissaarutillu pitsanngorsarnissaannut aningaasarpassuaateqannginneq nalunaarusiami tunngaviupput.

BAT- rapporti -  Kalaallit Nunaanni eqqakkanik ikuallaasarneq pillugu

Ingerlatami ikuallaavinni maanna atortuni pujuisa gasimik akoqarnerata millisinnissaanut periarfissat nalilersorneqarput avatangiisinillu ajoqusiinnginnissamut piumasaqaatinik siunissami akuersissuteqartarnissami atugassatut ikuallaanermi putsup gasimik akoqalertarnerani anguneqarsinnaasunik piumasaqaatissat siunnersuuteqarfigalugit.

Avatangiisinut pisortaqarfiup Miljøstyrelse suleqatigalugu nalunaarusiorsimavoq Kalaallit Nunaanni illoqarfinni ikuallaavinni teknikkimik ajornannginnerpaamik pissarsiarineqarsinnaasumik naliliiviusumik. Ikuallaaviit angisoorsuunngitsut aammalu teknikkikkut pitsanngorsaanissamut akissaqarpiannginneq nalunaarusiami aallaavigineqarput.

Ingerlatami ikuallaavinni maanna atuuttuni teknikki ajornannginnerpaamik pissarsiarineqarsinnaasup atorneratigut ikuallaanermi putsumi gaseqalertarnerata millisaavigineqarsinnaaneranut periarfissat ilaatigut sammineqarput. Ikuallaavinni periutsit atorneqartut allanngortinneqarnerisigut putsup gaseqalertarnera annikillisinneqarsinnaanersoq naliliiffigineqarpoq. Aammalu illoqarfinni akunnattumik angissuseqartuni minnerusunilu ikuallaaviliortarnissani teknikki sorleq ajornannginnerpaamik atorneqarsinnaanersoq misissorneqarpoq.

Paasiniaanermillu ingerlatsinermi aamma ikuallaanermi putsup gasimik akoqarneranut piviusorsiortumik piumasaqaataasinnaasunik (tassa ajoqutaasunik putsup gasimik akoqarneranut killissarititaasunik naliliinernut) killissarititaasunik siunnersuusiorneqarpoq, eqqakkanik ikuallaavinni piusuni siunissamilu sananeqartartussani, avatangiisinut tunngatillugu akuersissuteqartarnissani atorneqartussanik.

Ingerlatami tunngavigineqarput 2001/2002-miit putsup ulorianaatilinnik gasinik akoqarneranik uuttortaanerit, Kalaallit Nunaanni ikuallaavinni nunani allani killissarititaasunik nalinginnaasumik qaangiineqartarneranik takutitsisuusut.

Uuttortaanerit ilaatigut takutippaat putsup dioxin-imik annertuallaamik akoqarnera.

DMN-ip tusagassiuutinut 8/5-2002-mi nalunaarutaanut aqqutissiaq maliguk - “Nunaqarfinni ikuallaaviit pujuisa dioxin-imik akoqarnerat akuerineqarsinnaasuunngilaq.”

Rambøll-imi sulisut nalunaarusiortuupput, 2003-mi naammassineqartumik.

Assartuineq pillugu paasiniaaneq
Avatangiisinut Pisortaqarfiup BAT-rapportimik eqqartuinermini malugeqquaa maanna ikuallanneqarsinnaasunik eqqakkanik assartuinermut tunngasunik paasiniaanermik ingerlatsineqartoq.

Tamatumani siunertarineqarpoq illoqarfinnit minnerusunit nunaqarfinniillu ikuallanneqarsinnaasunik eqqakkanik ikuallaavimmut annerusumut assartuisinnaaneq aningaasaqarnikkut, passussinikkut avatangiisillu eqqarsaatigalugit naammassineqarsinnaanersoq paasiniarnissaa, aammalu taamatut aaqqiisinnaaneq avatangiisit eqqarsaatigalugit inuiaqatigiillu aningaasaqarnerannut, maannamut nunaqarfinni illoqarfinnilu tamani ikuallaaveqartitsinermik periutsimit/pilersaarutaasumit pitsaanerunersoq. Taamatut paasiniaanermik ingerlatsineq kommuneingeniørit 2002-mi ataatsimeeqatigiinneranni kaammattuutigineqartoq aallaavigalugu aallartinneqarsimavoq.

Tamatumani paasiniaanermi angusarisat pineqareerpata BAT-projektimilu paasisat ilanngullugit, maannakkut ukiunilu aggersuni Kalaallit Nunaanni avatangiisinut tunngatillugu ajornartorsiutit qaangerniarlugit qanoq iliuuseqarnissamik aalajangiiniarnissami tunngavigisassatut pisariqartunik ilisimasassat aatsaat pigineqalissapput.

Ingerlataq pillugu DMN-ip tusagassiuutinut 6/11-2003-mi nalunaarutaanut aqqutissiaq maliguk.