Aqqusinilunneq aqquserngillu amigarnerat iluamik eqqagassaleriniaraluarnermut akornutaanerpaavoq, Upernavimmi nunaqarfiinilu. Illoqarfiup aqquserngi aserfallassimapput, tamannalu angallannermut akornutaavoq illoqarfiullu ilangaatsiarsuata iluamik tikinneqarsinnaannginnerinut pissutaalluni.

Nunaqarfinni aqqusineqarneq suli ajornakusoorneruvoq, naak ukiuni kingullerni arlalitsigut pitsanngorsaasoqarsimagaluartoq. Nunaqarfinni aqquserngit qamussuarnik ingerlavigineqarsinnaanngillat qajannarpallaaqigamik, aappaatigulli aamma qamutinut oqinnernut naleqquttuunatik ingerlaviluppallaaqigamik.

Kommuneqarfik Upernavik pisarialinnik aqqusinniortitsinissamut akissaqanngilaq. Kommunalbestyrelsilu isumaqarpoq Namminersornerullutik Oqartussat nunaqarfinni aqqusinniornermut tapiissuteqartalernissaannut periarfissiisoqartariaqartoq, soorlumi aamma illoqarfinni aqqusernit pingaarnerit suliarineqarnerannut tapiissuteqartartut.

Asseq 1 Upernaviup ilaani aqqusineq nungullarsimasoq. Anartarfiit puussiartaat sungaartut aqquserngup sinaanut ilineqarsimapput anartarfilerisut aasassaat.

Asseq 2 Kullorsuarmi aqqusinituaq maniilakuluttoq sissiukkamiit helikopterit mittarfittaavannut eqqaavittaamullu aqqutaavoq. Aqqusernup qajannaallisarnissaa nunalu taseqqersiteraangat asiillartannginniassammat saniatigut kussiornissaa pisariaqaraluarpoq.

Asseq 3 Tasiusami aalisakkerivimmut aqqusineq piaarnerpaamik iluarsaattariaqarpoq.

Asseq 4 Nutaarmiuni aqqusineqanngilaq, taamaattumillu "arfinilinnik assakaasulik" anartarfilerinermi eqqaavilerinermilu atorneqartoq nunap naanerinik aserorterisuuvoq.

Asseq 5 Aappilattumi eqqaavimmut ikuallaavimmullu aqqusinertaaq sannarlutaavoq, eqqakkanik assartuineq ajornakusoortunngortillugu qamutinullu assartuutinut aserorsaataalluni.

Asseq 6 Aappilattumi eqqaavimmut ikuallaavimmullu aqqusinertaaq sannarlutaavoq, eqqakkanik assartuineq ajornakusoortunngortillugu qamutinullu assartuutinut aserorsaataalluni.