|
Eqqakkat aamma avatangiisit Ukiut tamaasa amerlasoorsuarnik eqqagassaliortarpugut. Tassaapput illumit eqqagassat, anartarfiit imaat, uuliakut atortussiakullu aammalu suliffeqarfinnit eqqagassat. Eqqakkat katersorneqassapput aammalu suussusaat apeqqutaallutik atoqqinneqassallutik, ikuallanneqassallutik, toqqorneqassallutik imaluunniit immikkut ittumik passutarineqassallutik. Tamatta eqqagassaateqarpugut, taamaattumillu avatangiisitta pisariaqanngitsumik nammakkerne-qannginnissaa pissappat eqqakkat eqqortumik suliarineqarnissaat tamatta akisussaaffigaarput. Taamaattumillu illoqarfimmi nunaqarfimmilu avatangiisit saligaannerusut peqqinnarnerusullu ineriartorfiunissaannut suleqatigiinneq ataatsimoorlunilu iliuuseqarnerit sakkuupput pingaaruteqartut. Innuttat aamma suliffeqarfiit Eqqaavilerinerup tungaatigut innuttaasut aamma suliffeqarfiit pingaaruteqartorujussuupput. Avatangiisinut saligaatsunut peqqinnarnerusunullu angusaqarniarnivut neriuutigisavullu angusinnaanngivippavut tapersersorteqaratalu peqataaqataasoqanngippat. Taamaattumik innuttaasut piumasaqaataannut kissaatigisaannullu eqqaavilereriaatsitta malinnaaf-figinninnissaat pingaartooqatigaa, avatangiisit tungaasigut piumasaqaatit eqquutsissinnaassappatigit. Taamaalilluni innuttaasut peqataaqataatinnissaannik paasisinniarnissaannillu suliassap eqqakkat avatangiisinut naleqquttumik katersorlugillu suliarineqarneratuulli kommunalbestyrelsip assigiimmik pingaartuutippai. Eqqakkat pillugit immikkut ittumik pilersaarut Upernaviup Kommuniani sumiiffinni arlalinni eqqaavilerinermi arlalinnik ajornartorsiuteqarmat Namminersornerullutik Oqartussanik aamma Danmarkimi Avatangiisinut pisortaqarfimmik (Miljøstyrelsen) suleqateqarluni “Upernaviup kommuniani eqqaavilerinerup pitsanngorsarnissaanut immikkut ittumik pilersaarut”-ip suliarineqarnera aallartisarneqarpoq. Immikkut ittumik pilersaarut Upernavimmi kommunimut pilersaarutip nutaap suliarineqarneranut atatillugu suliarineqassaaq. Kommunimut pilersaarummi eqqaavilerineq immikkut ittumik sammisarineqassaaq. Taamaalilluni kommunalbestyrelsip eqqaavileriaasitta pitsanngorsarnissaanut periarfissanik oqallinnissamut innuttaasut peqataatinnissaat kissaatigaa. Innuttaasut ataatsimiisinneri Eqqagassaatitsinnik suliarinninnitta pitsanngorsarnissaannut pisariaqartitatsinnik kissaatigisatsinnillu neriuutigisatsitut oqallilluarnissamut aallaavissatut apeqqutit naatsut makkut apeqqutigineqarput:
1. Illoqarfitsinni/nunaqarfitsinni saligaatsitsineq iluarinartumik ingerlanneqarpa? Apeqqutit taakku oqallisiginerini maani Upernavimmi inooriaasitta tikinneqarnissaa neriuutiginarpoq. Tassungalu atatillugu suli ataatsimik apeqqutissaqarpoq: 4. Eqqagassaatitta qanoq iliuuseqarfigisarneranut isummersuutitta isiginneriaasittalu (moral) allanngortinnissaannut pisariaqartitsisoqarpa? Pitsaanerusumik eqqiluitsitsisoqarnissamut akisussaaffik taamaallaat kommunimiippa? |
