Oqaatsit ataasiakkaat atorlugit saqqummiussaq quppernerup matuma ataani aaneqarsinnaavoq.
”Kommunip pilersaarutaata ingerlanneqarneranut sammisamut pilersaarutip ilanngunneratigut sumiiffimmi politikkikkut peqataanissamut, innuttaasut peqataatinnissaannut aammalu Namminersornerullutik Oqartussat sammisami suliniutaannik ataqatigiissaarinermut sapinngisamik tamakkiisumik periarfissaqarneq anguneqarpoq” Arkitekt Niels Bennetzen allappoq, Danmarkimi Miljøstyrelsemit tapersersorneqartumik Upernavik kommunemi eqqagassat pillugit sammisaqarnermi pilersaarusiornermi siunnersortaasoq.
Qulequtaasumik anguniagaq
Sammisami pilersaarummi qulequtaasutut anguniagaasoq tassaavoq avatangiisinut peqqinnissamullu pitsaanerusumik eqqagassat passunneqarnissaannut kommunimi tunngavissiinissaq. Tamatumani kommunip pilersaarutaanut pilersaarutip nassuiaataa sammisamut pilersaarusiornermut tunngavittut atorneqarpoq.
Takutitsissummik ingerlataq
Sammisami pilersaarusiap aamma sammisamut pilersaarusiorneq kommunip ingerlaavartumik pilersaarusiorneranut atatillugu qanoq ingerlanneqarsinnaaneranut takutitsissutaanissaa siunertaqarpoq. Tunuliaqutaavoq Kalaallit Nunaanni kommunimut pilersaarusiortarnerup suli ineriartortuarsimanera, tamatumanilu pilersaarusiornerup ineriartortuarnerata sumiiffimmi kommunip sanaartugassanut pilersaarusiornerup qitiusumik aningaasaliissutinut pilersaarusiornermut pisortaqarfinnilu ataasiakkaani pilersaarusiornernut ajunnginnerusumik ataqatigiissinneqarnissaanut ilapittuutaanissaa ilimasuutigineqarpoq.
Pilersaarummut nassuiaat aallaaviuvoq
Tamatumunnga atatillugu Kommunip pilersaarutaani pilersaarummut nassuiaat, kommunip pilersaarutaani naatsorsuutigineqarlutik aallaaviusut politikkikkullu anguniakkat, kommunalbestyrelsip ineriartortillugit kommunimi aallartissimasai, nassuiaatigineqarfigisaat, tassaavoq qitiusoq. Sammisamut pilersaarusiornermut isumassarsiaq Upernaviup kommuniata pilersaarutaanik allanngortiterinissami pilersaarutigineqartumi, kommunimi eqagassat ajornartorsiutaanerat immikkut sammineqarnissaannut atorniarneqarpoq. Upernavik kommuni naliliisimavoq sukumiisumik taamatut eqqartorneqartumut tunngatillugu pilersaarusiornissaq pisariaqartinneqartoq, sammisamullu pilersaarusiaq eqqartorneqartoq siunissaq ungasinnerusoq eqqarsaatigalugu periaasissamik iliuusissanullu ataasiakkaanut pilersaarusianik akuersissuteqarnissami tunngaviussalluni.
| 
